រាជធានីភ្នំពេញ ៖ បុរសម្នាក់ស្រវឹងស្រាជោគជាំបើករថយន្តក្នុងល្បឿនយ៉ាងលឿនងោកមួយភាំងរេចង្កូតបុកឡើងលើឃឿនសួនច្បារពុះចែកទ្រូងផ្លូវ បុកបាក់ដើមជ្រៃក្រឹមរលើង២គុម្ព និងបុកបាក់ស្លាកប៉ាណូស្រាបៀរបាលីប្លែក តែមិនបង្កឲ្យមានអ្នករងរបួសទេ ។ គ្រោះថ្នាក់នេះកើតឡើងកាលពីវេលាម៉ោង៣និង៣០នាទីទាបភ្លឺថ្ងៃទី២០ ខែមេសា ឆ្នាំ២០១៨…
រាជធានីភ្នំពេញ ៖ បុរសម្នាក់ស្រវឹងស្រាជោគជាំបើករថយន្តក្នុងល្បឿនយ៉ាងលឿនងោកមួយភាំងរេចង្កូតបុកឡើងលើឃឿនសួនច្បារពុះចែកទ្រូងផ្លូវ បុកបាក់ដើមជ្រៃក្រឹមរលើង២គុម្ព និងបុកបាក់ស្លាកប៉ាណូស្រាបៀរបាលីប្លែក តែមិនបង្កឲ្យមានអ្នករងរបួសទេ ។ គ្រោះថ្នាក់នេះកើតឡើងកាលពីវេលាម៉ោង៣និង៣០នាទីទាបភ្លឺថ្ងៃទី២០ ខែមេសា ឆ្នាំ២០១៨ តាមបណ្តោយផ្លូវជាតិលេខ៦ នៅចំណុចមុខបុរីសុភមង្គល ស្ថិតនៅក្នុងសង្កាត់ ជ្រោយចង្វារខណ្ឌ ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញបុរសម្នាក់បើករថយន្តបង្កមួយគ្រឿង ពណ៌ស ពាក់ស្លាកលេខ ភ្នំពេញ 2F- 9266 បើកបរតាមបណ្តោយផ្លូវជាតិលេខ៦ ក្នុងទិសដៅពីជើងទៅត្បូងបើកបរក្នុងល្បឿនយ៉ាងលឿន ហើយស្រវឹងស្រា ខណៈមកដល់ចំណុចកើតហេតុខាងលើ ក៏ស្រាប់តែតៃកុងរថយន្តងោកមួយភាំងរេចង្កូតទៅខាងឆ្វេងទៅបុកឡើងលើឃឿនសួនច្បារពុះចែកទ្រូងផ្លូវ បណ្តាលឲ្យបាក់ដើមជ្រៃក្រឹមនៅលើសួនច្បារអស់២ដើម និងបុកបាក់ស្លាកប៉ាណូស្រាបៀរទៀត ទើបរថយន្តទៅមុខលែងរួច តែមិនមានអ្នករងរបួសទេ ។
ក្រោយពេលកើតហេតុអ្នកបើកបររត់គេចខ្លួនបាត់ នៅសល់តែរថយន្តបង្កត្រូវបានសមត្ថកិច្ចធ្វើការវាស់វែងយកទៅរក្សាទុកនៅការិយាល័យចរាចរណ៍ផ្លូវគោករង់ចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ