រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ក្មេងស្រីម្នាក់ត្រូវរថយន្តកាមរីឆ្លាមកិនក្បាលស្លាប់
ភ្លាមៗ ខណៈនាងបានរត់ចេញក្រៅផ្ទះទៅតាមបងប្រុសពីក្រោយ ស្របពេលនោះរថយន្តបានបើករ៉ឺយែថយក្រោយកិនតែម្តង ។ ហេតុការណ៍ដ៏រន្ធត់នេះ កើតឡើងកាលពីវេលាម៉ោងជាង១១ព្រឹកថ្ងៃទី១៩ មេសា ស្ថិតត្រង់ចំណុចផ្លូវលំមួយកន្លែងក្បែរអាងទឹក ក្នុងសង្កាត់ច្រាំងចំរេះទី២ ខណ្ឌប្ញស្សីកែវ ដោយអ្នកបើកបរបង្កត្រូវបានឃាត់ខ្លួនភ្លាមៗដែរ ។
សេចក្តីរាយការណ៍បន្តថា ក្មេងស្រីដែលស្លាប់ ឈ្មោះអ៊ុត លក្ខិណា អាយុជាង១ឆ្នាំ មានម្តាយឈ្មោះគង់
ស៊ីចាន់ អាយុ២៦ឆ្នាំ និងឪពុកឈ្មោះប៊ុត ប៊ុនថន អាយុ២៨ឆ្នាំ ជាអ្នកបើកបររថយន្តដឹកដី មានទីលំនៅ
ក្នុងកន្លែងកើតហេតុ ។ ដោយឡែក អ្នកបើកបរបង្កឈ្មោះសាន់នី អាយុ២៣ឆ្នាំ ជាជនជាតិខ្មែរ-អ៊ិស្លាម មានទីលំនៅកន្លែងកើតហេតុដែរ មានស្រុកកំណើតនៅខេត្តកំពត បើករថយន្តមានពាក់ស្លាកលេខភ្នំពេញ 2Q-4513 ។
ទាក់ទិននឹងហេតុការណ៍ខាងលើ ត្រូវបានម្តាយក្មេងស្រីរងគ្រោះឱ្យដឹងថា មុនពេលកើតហេតុ គាត់បានប្រើឱ្យកូនប្រុសច្បងម្នាក់ចេញទៅទិញម្រេចនិងដូរហ្គេស ដើម្បីធ្វើម្ហូប ។ ពេលនោះ កូនស្រីតូចនេះ (ក្មេងស្រីរងគ្រោះ) បានរត់ចេញទៅតាមបងប្រុសនាង ។ ភ្លាមៗនោះ រថយន្តខាងលើក៏កំពុងបើករ៉ឺយែថយក្រោយដែរ ព្រោះតែមានរោងការគេនៅខាងមុខទៅអត់រួច តែមិនដឹងអ្នកបើកបរ មើលមិនឃើញកូនស្រីតូចគាត់យ៉ាងណាទេ បែរមកកិនកូនស្លាប់នៅលើផ្លូវតែម្តង ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ