ខេត្តកំពង់ស្ពឺ ៖ ស្ត្រីម្នាក់បានដាច់ខ្យល់ស្លាមភ្លាមមួយរំពេចបន្ទាប់ពីជិះម៉ូតូដឹកគ្រឿងអេតចាយយកទៅលក់នៅផ្សារ ។ ហេតុការណ៍នេះបានកើតឡើងកាលពីវេលាម៉ោង៧និង៤០នាទីព្រឹក ថ្ងៃទី១៨ ខែមេសា ឆ្នាំ២០១៨ នៅចំណុចគីឡូម៉ែត្រលេខ១០៤ជុំត្រែងត្រយឹង ស្រុកភ្នំស្រួច…
ខេត្តកំពង់ស្ពឺ ៖ ស្ត្រីម្នាក់បានដាច់ខ្យល់ស្លាមភ្លាមមួយរំពេចបន្ទាប់ពីជិះម៉ូតូដឹកគ្រឿងអេតចាយយកទៅលក់នៅផ្សារ ។ ហេតុការណ៍នេះបានកើតឡើងកាលពីវេលាម៉ោង៧និង៤០នាទីព្រឹក ថ្ងៃទី១៨ ខែមេសា ឆ្នាំ២០១៨ នៅចំណុចគីឡូម៉ែត្រលេខ១០៤ជុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។ ស្ត្រីរងគ្រោះឈ្មោះ អ៊ុក ថន អាយុ២៧ឆ្នាំ រស់នៅភូមិទី៦ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
តាមការបំភ្លឺរបស់សាក្សីគឺមុនពេលកើតហេតុគេឃើញស្ត្រីរងគ្រោះជិះម៉ូតូម្នាក់ឯងពីកើតទៅលិចលុះមកដល់កន្លែងកើតហេតុក៏ស្រាប់តែឈប់ម៉ូតូហើយធ្លាក់ស្លាប់តែម្តង ។ បន្ទាប់ពីឃើញហេតុការណ៍ដូច្នេះប្រជាពលរដ្ឋដែលកំពុងធ្វើដំណើរតាមផ្លូវបានរាយការណ៍ទៅកាន់សមត្ថកិច្ចឱ្យចុះមកពិនិត្យ ។ ក្រោយទទួលសេចក្តីរាយការណ៍សមត្ថកិច្ចជំនាញបានចុះពិនិត្យទៅលើកសពជាលទ្ឋផលបញ្ជាក់ថា ស្ត្រីរងគ្រោះគឺស្លាប់ដោយសារខ្យល់គរមិនមានពាក់បទល្មើសព្រហ្មទណ្ឌឡើយ ។
បើតាមសាច់ញាតិរបស់ស្ត្រីរងគ្រោះបានរៀបរាប់ប្រាប់សមត្ថកិច្ចថា គឺមុនពេលស្លាប់ស្ត្រីរងគ្រោះជាមនុស្សមានជម្ងឺលើសឈាមជាប្រចាំហើយមុនពេលកើតហេតុស្ត្រីរងគ្រោះត្រូវបានសាច់ញាតិហាមមិនឱ្យដឹកគ្រឿងអេតចាយទៅលក់ដែរព្រោះទើបតែមានអាការវិលមុខតែគាត់មានះមិនព្រមស្តាប់តាមឡើយ ។ ប្រភពបន្តថាពេលនោះស្ត្រីរងគ្រោះក៏បានជិះម៉ូតូដឹកអេតចាយគោលបំណងទៅលក់នៅផ្សារពេជ្រនិល ឃុំត្រែងត្រយឹង លុះជិះមកដល់ចំណុចគីឡូម៉ែត្រលេខ១០៤ ទំនងជាវិលមុខស្ត្រីរងគ្រោះបានឈប់ម៉ូតូក៏ដួលស្លាប់ភ្លាមៗនៅកន្លែងកើតហេតុតែម្តង ៕
ចែករំលែកព័តមាននេះ