រាជធានីភ្នំពេញ ៖ បុរសម្នាក់ស្រវឹងស្រាខ្ចីម៉ូតូគេទៅទិញបាយហូប ត្រលប់មកវិញជិះម៉ូតូបុករថយន្តធ្វើឲ្យរងការខូចខាតអត់មានលុយសងទាញបាយកញ្ចប់ដែលទើបនឹងទិញយកមកហូបតែម្តង សមត្ថកិច្ចឃាត់យកទៅអប់រំកាលវេលាម៉ោង០៦នឹង២០នាទីល្ងាច ថ្ងៃទី១៨ ខែមេសា ឆ្នាំ២០១៨ តាមបណ្ដោយផ្លូវបេតុង ភូមិចំការឪឡឹក១…
រាជធានីភ្នំពេញ ៖ បុរសម្នាក់ស្រវឹងស្រាខ្ចីម៉ូតូគេទៅទិញបាយហូប ត្រលប់មកវិញជិះម៉ូតូបុករថយន្តធ្វើឲ្យរងការខូចខាតអត់មានលុយសងទាញបាយកញ្ចប់ដែលទើបនឹងទិញយកមកហូបតែម្តង សមត្ថកិច្ចឃាត់យកទៅអប់រំកាលវេលាម៉ោង០៦នឹង២០នាទីល្ងាច ថ្ងៃទី១៨ ខែមេសា ឆ្នាំ២០១៨ តាមបណ្ដោយផ្លូវបេតុង ភូមិចំការឪឡឹក១ សង្កាត់កាកាប១ ខណ្ឌពោធិ៍សែនជ័យ ។
បុរសដែលស្រវឹងស្រាមានឈ្មោះ ដូង ជៀន ភេទប្រុស អាយុ៣៧ឆ្នាំ ស្នាក់នៅភូមិក្បាលដំរី១ សង្កាត់កាកាប១ ខណ្ឌពោធិ៍សែនជ័យ មានស្រុកកំណើតនៅភូមិ ចំការឪឡឹក១ សង្កាត់កាកាប១ ខណ្ឌពោធិ៍សែនជ័យ ខ្ចីម៉ូតូគេជិះម៉ាកសង់កូរ៉េ ពណ៌ទឹកក្រូច អត់ផ្លាកលេខ បើកបរដោយបុរសម្នាក់ ក្នុងទិសដៅពីត្បូងទៅជើង ។ ចំណែករថយន្តរងគ្រោះម៉ាក Camry hybrid ពណ៌ស្ករ ពាក់ផ្លាកលេខ ភ្នំពេញ ២Q-៩០៦២ បើកបរដោយស្ត្រីម្នាក់ក្នុងទិសដៅពីត្បូងទៅជើងជិះបញ្ច្រាសទិសគ្នា ។
តាមប្រភពព័ត៌មានពីកន្លែងកើតហេតុបាននិយាយប្រាប់ថា នៅមុនពេលកើតហេតុ គេឃើញរថយន្តរងគ្រោះបើកបរដោយក្នុងទិសដៅពីត្បូងទៅជើងដោយស្ត្រីម្នាក់ បានប្រកាន់ខាងស្តាំត្រឹមត្រូវ ស្រាប់តែមានម៉ូតូមួយគ្រឿងម៉ាកសង់កូរ៉េ បើកដោយបុរសម្នាក់ក្នុងស្ថានភាពស្រវឹងជិះរេពេញផ្លូវ ហើយបានរេចង្កូតទៅបុករថយន្តរងគ្រោះពេញទំហឹង បណ្ដាលឲ្យខូចខាតផ្នែកខាងឆ្វេង ហើយម៉ូតូបង្កខាងលើបានដួលត្រលប់ត្រលិនតែឯង តែមិនមានរងបួសរធ្ងន់ធ្ងរឡើយ ។
ប្រភពព័ត៌មានបានបន្តទៀតថា ខណៈពេលភ្លាមៗភាគីខាងរថយន្តបានឃាត់បុរសជាអ្នកម៉ូតូភ្លាមៗផងដែរ ហើយអ្នកបើកម៉ូតូបង្កសុំទោស បានសំពះ២ទៅ៣ដង ហើយបន្ទាប់ភាគីខាងរថយន្តរងគ្រោះឃើញអ្នកជិះម៉ូតូខាងលើគ្មានសមត្ថភាពសងថ្លៃជួសជុលជួលរថយន្ត ក៏បានទាក់ទងទៅជំនាញចរាចរណ៍ខណ្ឌពោធិ៍សែនជ័យភ្លាមៗផងដែរ ។ ចំណែកបុរសជាបើកបរម៉ូតូខាងលើ ពេលភាគីខាងរថយន្តកំពុងឃាត់ឲ្យជំនាញចរាចរណ៍ បុរសខាងលើមិនខ្វល់ចង់យកទៅណាក៏យកទៅ បានយកបាយមកអង្គុយហូបសិន ព្រោះគាត់ទើបនឹងមកពីទិញបាយយកទៅហូប ។
បើតាមសម្ដីរៀបរាប់របស់បុរសខាងលើបាននិយាយប្រាប់ថា រូបគាត់គ្មានទីលំនៅ និងស្នាក់អាស្រ័យត្រឹមត្រូវទេ គឺគាត់លក់ដីផ្ទះអស់ហើយ សព្វថ្ងៃសុំគេនៅតាមសំយាបផ្ទះគេទេ ហើយម៉ូតូខាងលើខ្ចីគេទៅទិញបាយហូបទេ គឺរកបានប៉ុន្មានហូបប៉ុណ្ណឹង ។
ក្រោយពេលកើតហេតុ ជនរងគ្រោះខាងលើដោយមិនទាមទាសំណងឡើយ គ្រាន់តែឲ្យជំនាញចរាចរណ៍ពោធិ៍សែនជ័យយកទៅអប់រំណែនាំចាំស្វាងស្រាទើបឲ្យត្រលប់ទៅវិញ ៕
ចែករំលែកព័តមាននេះ