ខេត្តបន្ទាយមានជ័យ ៖ (ព័ត៌មានបឋម) មនុស្សប្រុសស្រី៦នាក់រួមទាំងជនជាតិថៃម្នាក់ផងរងរបួសធ្ងន់ស្រាលដោយសារ គ្រោះថ្នាក់ចរាចរណ៍រវាងរថយន្តកាមរីបុកម៉ូតូ ដែលបញ្ច្រាសទិសគ្នាចំនួន៣គ្រឿងលើដងផ្លូវជាតិលេខ៥៩ ក្នុងភូមិអូរអំពិល ឃុំទួលពង្រ ស្រុកម៉ាឡៃ នៅវេលាម៉ោង៨ និង៤៥នាទីយប់ ថ្ងៃទី១៨ មេសា ២០១៨នេះ។ ជនរងគ្រោះមិនទាន់ស្គាល់អត្តសញ្ញាណទាំងអស់នៅ ឡើយទេ ប៉ុន្តែបើតាមប្រភពពីសមត្ថកិច្ចនៅកន្លែងកើតហេតុនិយាយថា ជនរងគ្រោះទាំង៦នាក់ ជាអ្នកស្រុកម៉ាឡៃ។
ចំណែករថយន្តបង្កប្រភពថា ជាអ្នកឃុំអូរស្រឡៅ ស្រុកម៉ាឡៃដូចគ្នា ហើយភាគីរថយន្តបានគេចខ្លួនបាត់ស្រមោល។ រីឯម៉ូតូជនរងគ្រោះរងការខូចខាតមាន ម៉ាកឃ្លីក១គ្រឿង ហុងដាឌ្រីមសេ១២៥ ចំនួន២គ្រឿង ពេលនេះសមត្ថកិច្ចកំពុងដឹកយកទៅរក្សាទុកនៅប៉ុស្តិ៍រដ្ឋបាល ឃុំទួលពង្រ។ ចំណែកជនរងគ្រោះត្រូវបានសមត្ថកិច្ចជំនាញពាក់ព័ន្ធអន្តរាគមន៍ហៅរថយន្តសង្គ្រោះដឹកទៅមន្ទីរពេទ្យ៕
ចែករំលែកព័តមាននេះ