តាមប្រភពព័ត៌មាន Daily Star បានឲ្យដឹងថា ក្លិបអ្នកមានបារាំងសុខចិត្តឲ្យ Neymar ទៅលេងនៅក្លិបបិសាចក្រហមប្រសើរជាងទៅក្លិបអធិរាជសក្នុងលក្ខខណ្ឌតែមួយប៉ុណ្ណោះ ។ ក្នុងពេលថ្មីៗនេះមានពាក្យនិយាយពីមាត់មួយទៅមាត់មួយថា Neymar អាចនឹងទៅលេងឲ្យក្លិបអធិរាជសនៅរដូវកាលក្រោយនេះ ។
តែបើតាមប្រភពព័ត៌មាន Don Balon បានប្រាប់ថា PSG មិនព្រមនិយាយថ្លៃជាមួយនឹងក្លិបអធិរាជស Real Madrid ឡើយ ។ ក្នុងករណីបើគេលក់គេសុខចិត្តលក់ឲ្យក្លិបបិសាចក្រហម Manchester United ប្រសិនបើហ៊ានឲ្យថ្លៃដល់៤៩៥លានដុល្លារអាមេរិក ។
គួរបញ្ជាក់ផងដែរថា Neymar ទើបតែត្រូវបាន PSG ទិញក្នុងតម្លៃខ្លួន២៨៦លានដុល្លារពីក្លិបអ្នកមានបុណ្យ Barcelona កាលពីដើមរដូវកាល ។ នៅមិនទាន់បានចប់មួយរដូវកាលផងមានពាក្យចចារអារាមជាច្រើនថា កីឡាកររូបនេះនឹងអាចចេញទៅលេងក្លិបផ្សេង ៕
ចែករំលែកព័តមាននេះ