ខេត្តព្រៃវែង ៖ បើតាមសេចក្តីរាយការណ៍បានឱ្យដឹងថា ផ្ទះមួយខ្នងធ្វើអំពីឈើប្រក់ស័ង្កសីទំហំ5×6m ត្រូវព្រះអគ្គីឆាបឆេះខ្ទេចគ្មានសល់ ដោយសារតែការធ្វេសប្រហែសរបស់ម្ចាស់ផ្ទះ ហេតុការណ៍នេះបានកើតឡើង កាលពីវេលាម៉ោង1រសៀល ថ្ងៃទី14 មេសា ឆ្នាំ២០១៨ ដែលជាថ្ងៃចូលឆ្នាំទី1 ស្ថិតក្នុងភូមិពោធ៍រៃយំ ឃុំបន្ទាយចក្រី ស្រុកព្រះស្ដេច ខេត្តព្រៃវែង ។
តាមសមត្ថកិច្ចបានឱ្យដឹងថា ផ្ទះដែលត្រូវភ្លើងឆាបឆេះអស់គ្មានសល់ខាងលើនេះ មានម្ចាស់ឈ្មោះ សន សូត្រ ភេទស្រី អាយុ75ឆ្នាំ រស់នៅភូមិ-ឃុំកើតហេតុខាងលើ ។
សមត្ថកិច្ចបានបញ្ជាក់ទៀតថា មូលហេតុដែលបណ្តាលឱ្យមានអគ្គិភ័យនេះកើតឡើង គឺដោយសារតែម្ចាស់ផ្ទះអុចធូបទានសែនទទួលទេវតាឆ្នាំថ្មី ហើយទុកចោល រួចនាំគ្នាទៅវត្តអស់ ទើបធ្វើឱ្យធូបទានរលំធ្លាក់ចុះ បណ្តាលឱ្យកើតជាអគ្គិភ័យឆាបឆេះខ្ទេចបែបនេះតែម្តង ។
ចែករំលែកព័តមាននេះ