តាមការសិក្សាថ្មីបានឲ្យដឹងថា ផ្លែចេកប្រហែលជាជម្រើសល្អសម្រាប់កីឡាអត្តពលកម្មជាងភេសជ្ជៈសម្រាប់លេងកីឡាតែម្តង។ យោងទៅតាមសេចក្តីរាយការណ៍របស់សារព័ត៌មាន The New York Times បានឲ្យដឹងថា អ្នកស្រាវជ្រាវបានធ្វើការប្រៀបធៀបឥទ្ធិពលនៃការញ៉ាំកាបូអ៊ីដ្រាតក្នុងពេលលេងកីឡា ហើយក៏បានរកឃើញថា ផ្លែចេកបានផ្តល់នូវសមាសធាតុប្រឆាំងការរលាក និងអត្ថប្រយោជន៍ផ្សេងៗទៀតច្រើនជាងភេសជ្ជៈសម្រាប់លេងកីឡា ប៉ុន្តែញ៉ាំផ្លែចេកអាចធ្វើឲ្យហើមពោះបាន។ វាត្រូវបានគេដឹងថា ការញ៉ាំ ឬផឹកសារធាតុកាបូអ៊ីដ្រាតក្នុងពេលហាត់ប្រាណអាចជួយមនុស្សយើងហាត់បានកាន់តែយូរ ឬអាចហាត់ប្រាណក្នុងកម្រិតខ្លាំងៗបាន ព្រមទាំងឆាប់ធូរស្រាលពីហាត់រួចដែរ។
ទោះបីជាយ៉ាងណាក៏ដោយ ចំនួនផ្លែចេកដែលគួរញ៉ាំក្នុងពេលហាត់ប្រាណនោះ គឺមិនទាន់ច្បាស់នៅឡើយទេ ប៉ុន្តែអ្នកស្រាវជ្រាវមានគម្រោងស្រាវជ្រាវលើចំណុចនេះក្នុងពេលសិក្សាលើក្រោយ ហើយក៏ត្រូវការវាយតម្លៃទៅលើឥទ្ធិពលនៃផ្លែឈើផ្សេងៗទៀតក្នុងពេលហាត់ប្រាណ។ ប៉ុន្តែវាកើតឡើងត្រង់ស សម្រាប់អ្នកដែលចង់បានរបស់ដែលអាចជំនួយភេសជ្ជៈសម្រាប់កីឡាបែបធម្មជាតិ និងថោកនោះ ផ្លែចេកទំនងជារបស់ដ៏ល្អបំផុតហើយ៕
ដកស្រង់ចេញពីគេហទំព័រ http://health.com.kh/
ចែករំលែកព័តមាននេះ