រាជធានីភ្នំពេញ ៖ អតីតតារាចម្រៀងល្បីឈ្មោះក្នុងត្រកូលអោកអ្នកនាង អោក សុម៉ារីម៉ា ដែលរស់នៅអាមេរិកច្រើនឆ្នាំរស់នៅជាមួយស្វាមីជាអាណិកជននោះ បានមកដល់កម្ពុជាហើយ ក្រោយបែកមាតុភូមិមួយនេះ។
តាមដំណឹងថា អ្នកនាងត្រៀមសម្តែងសិល្បៈក្នុងឱកាសចូលឆ្នាំខ្មែរនាខេត្តព្រះវិហារជាមួយបងប្អូនត្រកូលអោក។ នាឱកាសបង្ហាញវត្តមានព្រលានយន្តហោះអន្តរជាតិភ្នំពេញ គេឃើញសាច់ញាតិបងប្អូនឪពុកម្តាយត្រកូលអោកបានមកទទួលក្រោមស្នាមញញឹមសប្បាយរីករាយគ្រប់គ្នាដែលឆ្នាំនេះបានជួបជុំគ្នា។
អ្នកនាង អោក សុម៉ារីម៉ា ជាតារាធ្លាប់ល្បីឈ្មោះក្នុងត្រកូលអោក រួមមានអោក សុម៉ាលីតា, អោក សុម៉ាវត្តី និងអោក សុម៉ារីម៉ា។ ហើយ រីម៉ា ជាប្អូនពៅ តែក្រោយចេញទៅរស់នៅអាមេរិកក៏មានត្រកូលអោកម្នាក់ទៀតជំនួស គឺអោក សុម៉ាដាលីស។
អ្នកនាង អោក សុម៉ារីម៉ា ច្រៀងពីរោះ ហើយត្រូវបានផលិតកម្មហៅថតកាយវិការខារ៉ាអូខេជាច្រើនមានទាំងថតភាពយន្ត ស្ពតអប់រំ ក្លាយជាតារាសម្តែងលេចធ្លោផងដែរកាលពីជិត១០ឆ្នាំមុន។ បច្ចុប្បន្ន សុម៉ារីម៉ា មានកូនស្រីម្នាក់ដោយរស់នៅអាមេរិកប្រកបមុខរបរជាអ្នកចម្រៀងដដែល និងឧស្សាហ៍ច្រៀងប៉ះចំតារាកម្ពុជាយើងទៅសម្តែងទីនោះទៀតផងដែរ។
ចែករំលែកព័តមាននេះ