ភេសជ្ជៈកំប៉ុង
ស្រាបៀរ ភេសជ្ជៈកំប៉ុង និងភេសជ្ជៈផ្សេងៗទៀតត្រូវបានបង្កើតឡើងដោយជាតិហ្គាសមួយឈ្មោះថា Carbon Dioxide។ រឿងនេះនឹងបង្កើតជាជាតិខ្យល់បន្ថែមក្នុងក្រពះ និងធ្វើឲ្យភើច្រើនដែរ។ យកល្អបើសិនជាអ្នកឧស្សាហ៍ភើមែននោះ គួរតែចៀសវាងអាហារទាំងនេះហើយ ។
ដំបៅក្រពះ
ពេលខ្លះ ការភើអាចជាសញ្ញាមួយនៃជំងឺដំបៅក្រពះដែរ។ ដំបៅបើកមុខទាំងនេះស្ថិតនៅលើភ្នាស់របស់ក្រពះ ហើយវាក៏កើតឡើងជាញឹកញាប់ដែរ។ ការបង្ករោគអាចធ្វើឲ្យរឿងនេះកើតឡើង។ ម្យ៉ាងវិញទៀតការប្រើថ្នាំពពួក NSAIDs ច្រើនដូចជា Ibuprofen ក៏បណ្តាលឲ្យមានបញ្ហានេះកើតឡើងដែរ។ បើសិនជាអ្នកមានដំបៅក្នុងក្រពះ អ្នកប្រហែលជាភើជាញឹកញាប់ និងញ៉ាំអាហារឆាប់ឆ្អែត ឬហើមពោះក្រោយពីញ៉ាំអាហារខ្លាញ់ច្រើន។
របៀបដែលអ្នកញ៉ាំ
បើសិនជាអ្នកញ៉ាំអាហារលឿន អ្នកនឹងលេបខ្យល់ទៅជាមួយក៏ច្រើនដែរ។ ភាគច្រើនខ្យល់ទាំងនេះមិនចូលក្នុងក្រពះទេ គឺវានៅតែស្ថិតក្នុងបំពង់កដដែល ដែលចេញជាអាការៈភើមកតាមមាត់វិញ។ ដូច្នេះដើម្បីកាត់បន្ថយរឿងនេះ គួរញ៉ាំអាហារហឺតៗ និងទំពារអាហារឲ្យបានម៉ត់ល្អផង។ កាលណាញ៉ាំអាហារកាន់តែតិច កាន់តែបន្ថយការភើ។
ការច្រាលទឹកអាស៊ីតក្រពះ
ពេលខ្លះ អាស៊ីតក្រពះនឹងច្រាលទៅដល់បំពង់កបាន។ រឿងនេះកើតឡើងច្រើននៅពេលអ្នកមានផ្ទៃពោះ ធាត់ជ្រុល ឬក្រពះមិនអាចកិនអាហារលឿនតាមតែវាគួរធ្វើ។ នៅពេលអ្នកមានអារម្មណ៍ថា មានដុំអ្វីមួយក្នុងបំពង់ក អ្នកនឹងខំប្រឹងលេបវាចូលទៅក្នុងពោះ។ ដូច្នេះហើយទើបវាធ្វើឲ្យអ្នកភើតែម្តងទៅ។
អាហារហិរ ឬអាហារមានជាតិអាស៊ីតខ្ពស់
ខ្ទឹមបារាំង ប៉េងប៉ោះ និងផ្លែឈើជូរៗ គឺមានជាតិអាស៊ីតខ្ពស់ណាស់។ សម្រាប់អ្នកខ្លះវិញ ការញ៉ាំអាហារទាំងនេះអាចធ្វើឲ្យមានអារម្មណ៍ក្រហាយៗដើមទ្រូងបាន។ អាហារហិរក៏អាចនាំឲ្យភើ រហូតដល់ក្រហាយដល់បំពង់កខាងក្រោយដែរ។
ជំងឺហឺត
អ្វីដែលចម្លែកនោះគឺថា ការភើអាចជាសញ្ញាមួយនៃជំងឺហឺតដែរ។ ហេតុអ្វីទៅ? បើសិនជាផ្លូវដង្ហើមមានការរលាក រាងកាយអាចនឹងធ្វើការកាន់តែច្រើនដើម្បីឲ្យខ្យល់ចូលសួតគ្រប់គ្រាន់។ រឿងនេះក៏ដាក់សម្ពាធទៅលើសន្ទះខណ្ឌទ្រូង និងពោះដែរ។ ការប្រែប្រួលនៃរឿងទាំងពីរនេះសុទ្ធតែអាចបង្ខំខ្យល់ចូលទៅក្នុងបំពង់ក និងធ្វើឲ្យភើបានដែរ។
ស្ករគ្រាប់ និងស្ករកៅស៊ូគ្មានជាតិស្ករ
ស្ករគ្រាប់រឹងៗ និងស្គរកៅស៊ូអាចធ្វើឲ្យអ្នកភើបានដោយសារតែអ្នកលេបខ្យល់ច្រើនខណៈពេលដែលកំពុងតែទំពារ ឬបៀមស្ករគ្រាប់។ បើសិនជាអ្នកជ្រើសរើសយកស្ករដែលគ្មានជាតិផ្អែមវិញ អ្នកប្រហែលជាភើកាន់តែច្រើន៕
ដកស្រង់ចេញពីគេហទំព័រ http://health.com.kh/
ចែករំលែកព័តមាននេះ