ខេត្តកំពង់ចាម ៖ ក្នុងពេលជួបសំណេះសំណាល និងផ្តល់ថវិកាលើកទឹកចិត្តដល់បងប្អូនអ្នកសម្អាត ទីក្រុងកំពង់ចាម ក្នុងឱកាសពិធីបុណ្យចូលឆ្នាំថ្មីប្រពៃណីជាតិ នាព្រឹកថ្ងៃទី១៣ មេសានេះ លោក គួច…
ខេត្តកំពង់ចាម ៖ ក្នុងពេលជួបសំណេះសំណាល និងផ្តល់ថវិកាលើកទឹកចិត្តដល់បងប្អូនអ្នកសម្អាត ទីក្រុងកំពង់ចាម ក្នុងឱកាសពិធីបុណ្យចូលឆ្នាំថ្មីប្រពៃណីជាតិ នាព្រឹកថ្ងៃទី១៣ មេសានេះ លោក គួច ចំ រើន អភិបាលខេត្តកំពង់ចាម បានអំពាវនាវឲ្យប្រជាពលរដ្ឋខេត្តកំពង់ចាម ចូលរួមសម្អាតបរិស្ថាន និងថែ រក្សាអនាម័យនៅតាមគេហដ្ឋានរៀងៗខ្លួន ជាពិសេសចូលរួមសម្អាតនៅតាមតំបន់ទេសចរណ៍ ឬកន្លែង កម្សាននានា។
លោក គួច ចំរើន បានថ្លែងអំណរគុណចំពោះបងប្អូនអ្នកសម្អាតទីក្រុងកំពង់ចាម ដែលខិតខំប្រឹងប្រែងរួមចំណែកធ្វើឲ្យទីក្រុងនេះមានសោភ័ណភាពរហូតទទួលបាន នូវជ័យលាភី ទីក្រុងស្អាត រំដួល៣ទង។ លោកបញ្ជាក់ថា បើចង់ស្អាតត្រូវតែនាំគ្នាសម្អាត ហើយបើចង់សម្អាត ត្រូវតែមានអ្នកសម្អាត បើមានអ្នកសម្អាតស្អាត ទីក្រុងយើងស្អាត សុខភាពយើងល្អ ដូចច្នេះត្រូវ លើកទឹកចិត្តដល់អ្នកចូលរួមសម្អាត ទោះតិចក្ដី ច្រើនក្ដី គឺជាទឹកចិត្ត៕
ចែករំលែកព័តមាននេះ