ខេត្តតាកែវ ៖ តម្លៃភាស៊ីកង់ម៉ូតូនៅក្នុងសៀវភៅបន្ទុករបស់ក្រសួងសេដ្ឋកិច្ច និងហិរញ្ញវត្ថុ ដែលបានកំណត់ត្រឹមតែ៣០០រៀលនោះ មកដល់រដូវបុណ្យចូលឆ្នាំថ្មីនេះម៉ូតូផ្ញើក្នុង១លើក ១.៥០០រៀលទៅ២.០០០រៀលឯណោះ។ រដូវចូលឆ្នាំប្រពៃណីជាតិខ្មែរបានខិតជិតមកដល់ ប្រជាពលរដ្ឋគ្រប់ស្រទាប់វណ្ណៈបានសម្រុកនាំគ្នាមកទិញសម្ភារ ឥវ៉ាន់ផ្សេងៗ…
ខេត្តតាកែវ ៖ តម្លៃភាស៊ីកង់ម៉ូតូនៅក្នុងសៀវភៅបន្ទុករបស់ក្រសួងសេដ្ឋកិច្ច និងហិរញ្ញវត្ថុ ដែលបានកំណត់ត្រឹមតែ៣០០រៀលនោះ មកដល់រដូវបុណ្យចូលឆ្នាំថ្មីនេះម៉ូតូផ្ញើក្នុង១លើក ១.៥០០រៀលទៅ២.០០០រៀលឯណោះ។
រដូវចូលឆ្នាំប្រពៃណីជាតិខ្មែរបានខិតជិតមកដល់ ប្រជាពលរដ្ឋគ្រប់ស្រទាប់វណ្ណៈបានសម្រុកនាំគ្នាមកទិញសម្ភារ ឥវ៉ាន់ផ្សេងៗ ដើម្បីទទួលទេវតាឆ្នាំថ្មីនៅផ្សារធំតាកែវ នាថ្ងៃទី ១៣ មេសា ប៉ុន្តែក៏ក្លាយជាឱកាសដ៏ល្អសម្រាប់ក្រុមមេភាស៊ីផ្ញើម៉ូតូគ្រប់នៅជុំវិញផ្សារតាកែវ តម្លើងតម្លៃខ្ពស់កប់មេឃ។
ប្រជាពលរដ្ឋដែលមកទិញអីវ៉ាន់នៅផ្សារតាកែវបានប្រាប់ថា គាត់ដូចជាមិនសូវពេញចិត្តនឹងទង្វើរបស់មេភាស៊ីម៉ូតូទាល់តែសោះ តម្លើងតម្លៃស្រេចតែចិត្ត ធ្វើដូចប្រទេសគ្មានច្បាប់ទម្លាប់ច្នឹង ព្រោះពេលខ្លះក្នុង១ថ្ងៃគាត់ចេញ-ចូលផ្សារ៣ទៅ ៤ដង ដើម្បីទិញទិញសម្ភារសម្រាប់យកទៅសែនបុណ្យចូលឆ្នាំថ្មី ។
ចំណែកប្រជាពលរដ្ឋដែលមានផ្ទះនៅជាប់ផ្សារត្អូញត្អែរថា រដូវបុណ្យចូលឆ្នាំផ្លូវជុំវិញផ្សារ គឺមានចរាចរណ៍មមាញឹកណាស់ កកស្ទះពេញផ្លូវ ប៉ុន្តែគ្មានឃើញប៉ូលិសសណ្ដាប់ធ្នាប់ចេញមកធ្វើចរាចរណ៍សោះ បណ្ដោយឲ្យក្រុមអ្នកផ្ញើកង់ម៉ូតូជុំវិញផ្សារតាកែវយកចំណីផ្លូវសាធារណៈធ្វើជាកន្លែងផ្ញើកង់ម៉ូតូឯកជនទៅវិញ ជាហេតុបង្កឲ្យកកស្ទះចរាចរណ៍រៀងរាល់ថ្ងែ ហើយបញ្ហានេះមិនមែនខាងគណៈកម្មាធិការដេញថ្លែភាស៊ីផ្សារទូទាំងខេត្តមិនដឹងនោះទេ តែដឹងច្បាស់ណាស់អំពីករណីមេភាស៊ីតាមផ្សារប្រមូលុយភាស៊ីពីប្រជាពលរដ្ឋលើសក្នុងសៀវភៅបន្ទុករបស់រដ្ឋនោះ ។
ប្រជាពលរដ្ឋក៏ទទូចសុំឲ្យអាជ្ញាធរគ្រប់លំដាប់ថ្នាក់ជួយពិនិត្យផង ជាពិសេសលោក អ៊ូច ភា អភិបាលខេត្តតាកែវ និងលោក យស ណាស៊ី ប្រធានគណៈកម្មការដេញថ្លៃភាស៊ីផ្សារទូទាំងខេត្តតាកែវ ជួយមើលពីទង្វើរបស់លោកស្រី លឹម សុខា មេភាស៊ីផ្សារតាកែវរូបនេះផង ដែលយកលុយតែភាស៊ីផ្សារ ប៉ុន្តែគ្មានបានជួយអភិវឌ្ឍផ្សារតាកែវសោះឡើយ៕
ចែករំលែកព័តមាននេះ