ខេត្តក្រចេះ ៖ រថយន្តយក្សមានផ្ទុកឈើពេញប្រៀប៧គ្រឿងដែលគេដឹងថា សុទ្ធសឹងជា ឈើខុសច្បាប់ប៉ុនប៉ងដឹកសំដៅចូលទៅវៀតណាម តែមិនបានសម្រេចនោះ ត្រូវបានក្រុមការ ងាររបស់អាវុធហត្ថផ្ទៃប្រទេសស្រាវជ្រាវចាប់ឃាត់បាន។
រថយន្តទាំង៧គ្រឿងនេះក៏ត្រូវគេដឹងថា បានលួចដឹកជញ្ជូនឈើចេញពីក្រុមហ៊ុនចិន មួយឈ្មោះថា ឆាយណាឌីណាមិក មានទីតាំងនៅឃុំអូរគ្រៀង ស្រុកសំបូរ និងបានលួចធ្វើការដឹកជញ្ជូនយ៉ាងរញ្ជួយផ្លូវជាតិកាលពីយប់ថ្ងៃទី១១ មេសា ឆ្លៀតពេលដែលសមត្ថកិច្ចតាម ដងផ្លូវមិនសូវនៅប្រចាំការ។
បើទោះបីជាមានការឆ្មក់ឱកាស ហើយការដឹកជញ្ជូនដោយប្រើរូបភាព ស្រដៀងទៅនឹងរថយន្តដឹកកសិផលបែបណាក្តី ក៏រថយន្តយីឌុបទាំង៧គ្រឿងត្រូវបានកម្លាំងអាវុធហត្ថលើផ្ទៃប្រទេសចាប់បង្ក្រាបបាននៅក្នុងឃ្លាំងទិញដំឡូងមួយកន្លែងក្បែរផ្លូវជាតិក្នុងក្បាលស្នួល ឃុំស្នួល ស្រុកស្នួល ជិតដល់ព្រំដែនវៀតណាម កាលពីរសៀលថ្ងៃទី១២ មេសា។
ក្រុមមន្ត្រីបានអះអាងថា រថយន្តយីឌុប៧គ្រឿងនេះ គឺសុទ្ធសឹងតែដឹកជញ្ជូនឈើខុស ច្បាប់ ហើយក៏ត្រូវចាប់បង្ក្រាបទាំងអស់យកទៅរក្សាទុកនៅស្នាក់ការដ្ឋបាលព្រៃឈើផ្នែកស្នួល ដើម្បីបន្តនីតីវិធី។
ហើយគេមិននៅមិនទាន់ដឹងថា តើរយន្តទាំង៧គ្រឿង ដែលលួចដឹកឈើខុសច្បាប់នេះជាកម្មសិទ្ធិរបស់នរណាម្នាក់ឲ្យប្រាកដនៅឡើយទេ។ តែសមត្ថកិច្ចអះអាងបញ្ជាក់ថា និងបន្តស្រាវជ្រាវរកជនជាម្ចាស់បន្ទាប់ពីមានការចាប់បង្ក្រាបរួច។ ជាមួយគ្នានេះដែរ ក្រុមមន្ត្រីក៏នៅតែមិនទាន់បានបញ្ជាក់ថា ឈើខុសច្បាប់ដែលផ្ទុកនៅលើរថយន្តទាំង៧គ្រឿងនោះជាឈើប្រភេទអ្វីនោះដែរ ដោយគ្រាន់តែគេដឹងថា ក្នុងនោះមានភាគច្រើនជាឈើសុក្រម និងកកោះ។ ហើយការដឹកជញ្ជូននេះ គឺគោលបំណងនាំចូលទៅប្រទេសវៀតណាម តែដោយសារតែស្ថាន ភាពមិនស្រួល ម្ចាស់ឈើបានឲ្យរថយន្តចូលលាក់ខ្លួនក្នុងឃ្លាំងដំឡូង និងក៏ត្រូវបានសមត្ថកិច្ច ហែកឃ្លាំងចាប់ឃាត់តែម្តង។
ចែករំលែកព័តមាននេះ