ខេត្តក្រចេះ ៖ អាជ្ញាធរខេត្តក្រចេះសម្តែងក្តីរំពឹងដោយសុទិដ្ឋិនិយមថា ខេត្តដ៏តូចច្រឡឹង នៅជាប់ និងដងទន្លេគង្គមួយនេះ និងមានកំណើតភ្ញៀវទេសចរណ៍កើនឡើងទ្វេដង នាឱកាស បុណ្យចូលឆ្នាំថ្មីប្រពៃណីជាតិខាងមុខនេះដោយហេតុថា ខេត្តក្រចេះសម្បូរទៅដោយរមនីយ…
ខេត្តក្រចេះ ៖ អាជ្ញាធរខេត្តក្រចេះសម្តែងក្តីរំពឹងដោយសុទិដ្ឋិនិយមថា ខេត្តដ៏តូចច្រឡឹង នៅជាប់ និងដងទន្លេគង្គមួយនេះ និងមានកំណើតភ្ញៀវទេសចរណ៍កើនឡើងទ្វេដង នាឱកាស បុណ្យចូលឆ្នាំថ្មីប្រពៃណីជាតិខាងមុខនេះដោយហេតុថា ខេត្តក្រចេះសម្បូរទៅដោយរមនីយ ដ្ឋានធម្មជាតិ រមនីយដ្ឋានកែច្នៃ និងរមនីយដ្ឋានទេសចរណ៍ប្រវត្តសាសន៍ ហើយអាជ្ញាធរក៏ បានរៀបចំកែលំអលើរមនីយដ្ឋានទាំងអស់នោះលើសោភណ្ឌភាពឲ្យកាន់តែទាក់ទាញ បន្ថែមទៀតផងដែរ ។
បើទោះបីជាខេត្តក្រចេះត្រូវគេមើលឃើញថា មិនបានរៀបចំសង្ក្រានឆ្នាំថ្មីឲ្យមាន សោភណ្ឌភាព និងមានភាពអធិកអធមដូច តាមបណ្តាខេត្តដ៏ទៃទៀត ដើម្បីជាការទាក់ទាញ ភ្ញៀវទេសចរណ៍យ៉ាងណាក្តី តែលោកស្រី ប៊ន សុភី អភិបាលខេត្តក្រចេះទទួលកិច្ចការងារ លើវិស័យទេសចរណ៍បានអះអាងថា រមនីយដ្ឋានអេកូទេសរចរណ៍ដូចជា ទឹកជួរទន្លេមេគង្គ កាំពីតំបន់ទេសចរណ៍អន្លង់ផ្សោត តំបន់ទេសចរណ៍ឆ្នេខ្សាច់កោះទ្រង់ និងទេសចរណ៍ប្រវត្តិ សាសន៍ព្រះវិហារសរសរ១០០ គឺជាចំណីអារម្មណ៍ដ៏សំខាន់ និងទាក់ទាញបំផុតក្នុងការស្រូប យកចំនួនភ្ញៀវឲ្យមកលេងកម្សាន្ត ។
បញ្ជាក់ឲ្យដឹងនៅថ្ងៃទី១២ ខែមេសានេះ ជាថ្ងៃមុនពិធីបុណ្យចូលឆ្នាំថ្មីប្រពៃណីជាតិ អភិបាល រងខេត្តក្រចេះទទួលវិស័យទេចរណ៍ លោកជំទាវ ប៊ន សុភី បានអះអាងទៀតថា ទាក់ទិន និងវិស័យទេចរណ៍ អាជ្ញាធរខេត្ត បានប្រជុំដាក់ចេញទិសដៅផែនការសំខាន់ៗលើកិច្ច ការងារទេសចរណ៍ក្នុងឱកាសបុណ្យចូលឆ្នាំ ក្នុងនោះរួមមានផែនការការពារសន្តិសុខការរៀប ចំសណ្តាប់ធ្នាប់ និងកិច្ចការងារកែលំអតំបន់ទេសចរណ៍នានានៅក្នុងខេត្ត ។
បើតាមរបាយការណ៍របស់មន្ទីរទេសចណ៍ខេត្តបានបង្ហាញឲ្យដឹងថា ជារៀងរាល់ឆ្នាំខេត្ត ក្រចេះទទួលបានភ្ញៀវទេសចរណ៍ជាតិអន្តរជាតិចំនួនជាង១០ម៉ឺននាក់ ដែលបានមកលេង កម្សាន្តនៅក្នុងអំឡុងថ្ងៃបុណ្យចូលឆ្នាំមានរយៈពេល៣ថ្ងៃជាប់ៗគ្នា ។ ភ្ញៀវទេសចរណ៍ទាំង នោះបានមកទស្សនាលេងកម្សាន្តនៅតាមតំបន់ទេសចរណ៍ទាំង១៦កន្លែង នៅក្នុងខេត្ត ដោយក្នុងនោះមានតំបន់ទេចរណ៍ចំនួន៤កន្លែងដែលភ្ញៀវបាននិយមមកលេងកម្សាន្តច្រើន មានដូចជា ទឹកជួរទន្លេមេគង្គកាំពី តំបន់ទេសចរណ៍អន្លង់ផ្សោត តំបន់ទេសចរណ៍ឆ្នេរខ្សាច់ កោះទ្រង់ និងទេសចរណ៍ប្រវត្តិសាសន៍ព្រះវិហារសរសរ១០០ជាដើម ៕
ចែករំលែកព័តមាននេះ