ខេត្តកំពង់ស្ពឺ ៖ កម្លាំងប្រដាប់អាវុធ និងមន្ត្រីរាជការមន្ទីរជុំវិញខេត្តជាច្រើនរូប បានចូលរួមយ៉ាងសស្រាក់សស្រាំ ដើម្បីសម្អាតអនាម័យបរិស្ថាន ក្នុងន័យឲ្យបងប្អូនប្រជាពលរដ្ឋយល់ដឹងអំពីការទុកដាក់សំរាមឲ្យមានរបៀបរៀបរយល្អ ។ ជាងនេះទៅទៀត គឺចង់ឲ្យប្រជាពលរដ្ឋយល់ដឹងបន្ថែម…
ខេត្តកំពង់ស្ពឺ ៖ កម្លាំងប្រដាប់អាវុធ និងមន្ត្រីរាជការមន្ទីរជុំវិញខេត្តជាច្រើនរូប បានចូលរួមយ៉ាងសស្រាក់សស្រាំ ដើម្បីសម្អាតអនាម័យបរិស្ថាន ក្នុងន័យឲ្យបងប្អូនប្រជាពលរដ្ឋយល់ដឹងអំពីការទុកដាក់សំរាមឲ្យមានរបៀបរៀបរយល្អ ។
ជាងនេះទៅទៀត គឺចង់ឲ្យប្រជាពលរដ្ឋយល់ដឹងបន្ថែម អំពីផលប៉ះពាល់នៃសំរាម ព្រោះការទុកដាក់សំរាមមិនបានល្អបង្កឲ្យមានផលប៉ះពាល់ដល់សុខភាពទៀតផង ។ សកម្មភាពធ្វើអនាម័យដើររើស និងប្រមូលសំរាមនេះធ្វើឡើងនៅព្រឹកថៃ្ងទី១១ ខែមេសា ឆ្នាំ២០១៨ នៅទីតាំងសួនច្បារសម្ដេចព្រះសង្ឃរាជជួន ណាតតែម្តង ។
ពិធីនេះរៀបចំធ្វើយុទ្ធនាការ សំអាតអនាម័យបរិស្ថានធ្វើឡើង ក្រោមប្រធានបទ «កំពង់ស្ពឺជាផ្ទះរបស់ខ្ញុំ»ម្យ៉ាងទៀតសកម្មភាពធ្វើអនាម័យបរិស្ថាននេះ ក្នុងន័យដើម្បីចូលរួមអបអរសាទរ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ខាងមុខផងដែរ ។
យុទ្ធនាការនេះដែរមានការអញ្ញើញចូលរួមពីសំណាក់ឯកឧត្ដម យឹម សុខុម ប្រធានក្រុមប្រឹក្សាខេត្ត ឯកឧត្ដមជាតំណាងឯកឧត្តមវូសំណាងអភិបាលខេត្ដកំពង់ស្ពឺ ។
ក្នុងនោះផងដែរ ក៏មានការចូលរួមពីសំណាក់លោកប្រធានមន្ទីរជុំវិញខេត្ដកំពង់ស្ពឺ ព្រមទាំងកងកម្លាំងប្រដាប់ទាំង៣ ប្រភេទ ( នគរបាល នៃស្នងការដ្ឋានខេត្ដកំពង់ស្ពឺ ចំនួន៥០ នាក់ ) សិស្សានុសិស្ស យុវជនស្រលាញ់សន្ដិភាព យុវជនកាកបាទក្រហម យុវជនកាយរិទ្ធ សរុបប្រមាណ ៥០០នាក់ ៕
ចែករំលែកព័តមាននេះ