សហរដ្ឋអាមេរិក-កូរ៉េខាងជើង ៖ ប្រធានាធិបតីអាមេរិក លោកដូណាល់ ត្រាំ អះអាងនាថ្ងៃទី៩ មេសា ថា ការជួបគ្នាជាប្រវត្តិសាស្ត្ររបស់លោកជាមួយមេដឹកនាំកូរ៉េខាងជើងលោកគីម ជុងអ៊ុន…
សហរដ្ឋអាមេរិក-កូរ៉េខាងជើង ៖ ប្រធានាធិបតីអាមេរិក លោកដូណាល់ ត្រាំ អះអាងនាថ្ងៃទី៩ មេសា ថា ការជួបគ្នាជាប្រវត្តិសាស្ត្ររបស់លោកជាមួយមេដឹកនាំកូរ៉េខាងជើងលោកគីម ជុងអ៊ុន នឹងប្រព្រឹត្តទៅនាខែឧសភា ឬដើមខែមិថុនា ។
មុនកិច្ចប្រជុំមួយរបស់រដ្ឋាភិបាលនៅសេតវិមាន លោកត្រាំ ថ្លែងទៅកាន់សារព័ត៌មានថា ខ្ញុំយល់ថា នឹងមានការគោរពគ្នាទៅវិញទៅមកខ្លាំងមួយ ហើយយើងសង្ឃឹមថានឹងមានកិច្ចព្រមព្រៀងមួយស្តីពីការរំសាយនុយក្លេអ៊ែរនាឱកាសនៃការជួបគ្នានេះ ។
បន្ទាប់ពីរយៈពេលច្រើនខែនៃសង្គ្រាមវោហាសាស្ត្ររវាងក្រុងវ៉ាស៊ីនតោន និងក្រុងព្យុងយ៉ាងជុំវិញកម្មវិធីនុយក្លេអ៊ែរកូរ៉េខាងជើង ការចរចាកំពុងធ្វើដើម្បីរៀបចំការជួបគ្នាកំពូលនេះ ដែលគេទន្ទឹងរង់ចាំមើលបំផុត ។
កាលពីថ្ងៃទី៨ មេសា កាសែតអាមេរិក WALL STREET JOURNAL រាយការណ៍ថា កូរ៉េខាងជើងធ្លាប់អះអាងដោយផ្ទាល់ចំពោះសហរដ្ឋអាេមរិកថា ខ្លួនត្រៀមចរចាលើការរំសាយនុយក្លេអ៊ែរ ។
ប្រធានាធិបតីអាមេរិកគូសបញ្ជាក់ថា យើងសង្ឃឹមថា ទំនាក់ទំនងថ្មីនឹងមានការខុសប្លែកគ្នាខ្លាំងបំផុតពីអ្វីដែលកើតមានរយៈពេលច្រើនឆ្នាំមកហើយ ៕
ចែករំលែកព័តមាននេះ