យោងទៅតាមសេចក្តីរាយការណ៍ពីអ្នកស្រាវជ្រាវបានឲ្យដឹងថា ថ្នាំគ្រាប់ដែលផ្សំចូលគ្នាពីថ្នាំបញ្ចុះសម្ពាធឈាមបីមុខ អាចពង្រឹងដល់ឱកាសនៃការបញ្ចុះសម្ពាធឈាមពួកគេបាន ។ ថ្នាំនេះមានកម្រិតទាបនៃថ្នាំទាំងបីដូចជា Telmisartan, Amlodipine និង Chlorthalidone ។
ការសិក្សាមួយដែលមានមនុស្សចំនួន៧០០នាក់ ដែលមានអាយុជាមធ្យម៥៦ឆ្នាំ បានរកឃើញថា ពួកគេសុទ្ធតែមានជំងឺលើសសម្ពាធឈាម ហើយពួកគេក៏បានប្រើថ្នាំពីរបីមុខចូលគ្នារយៈបេល៦ខែដែរ ។ ក្នុងនោះ ៧០ភាគរយនៃពួកគេអាចទទួលបានសម្ពាធឈាមតាមគោលដៅ ហើយវាក៏ល្អជាងអ្នកដែលប្រើថ្នាំតាមវេជ្ជបញ្ជាពីគ្រូពេទ្យដែរ ។ ចំពោះផលរំខានវិញគឺមិនមានលើអ្នកដែលប្រើថ្នាំបីមុខចូលគ្នាជាថ្នាំមួយគ្រាប់ឡើយ ។
យោងទៅតាមការស្រាវជ្រាវនេះ យើងអាចនិយាយបានថា វិធីសាស្ត្រថ្មីមួយនេះគឺមានប្រសិទ្ធភាពជាង និងសុវត្ថិភាពដូចការព្យាបាលបច្ចុប្បន្ននេះដែរ ។ ការសិក្សានេះត្រូវបានបង្ហាញក្នុងកិច្ចប្រជុំប្រចាំឆ្នាំនៃ American College of Cardiology ក្នុង Orlando, Fla៕
ស្រង់ពីគេហទំព័រសុខភាព
ចែករំលែកព័តមាននេះ