ពេលបរិភោគទៅជាយ៉ាងណាវិញបើ ចឹងៗអី
- តាកែវ
ខេត្តតាកែវ ៖ នៅក្នុងការចុះត្រួតពិនិត្យការលក់ទំនិញគ្រឿងឧបភោគបរិភោគនៅលើទីផ្សារតាកែវ ដែលស្ថិតនៅក្នុងក្រុងដូនកែវ នៅព្រឹកថ្ងៃទី១០ ខែមេសា ឆ្នាំ២០១៨ នេះ លោកប៉ោ លាងគង់…
ខេត្តតាកែវ ៖ នៅក្នុងការចុះត្រួតពិនិត្យការលក់ទំនិញគ្រឿងឧបភោគបរិភោគនៅលើទីផ្សារតាកែវ ដែលស្ថិតនៅក្នុងក្រុងដូនកែវ នៅព្រឹកថ្ងៃទី១០ ខែមេសា ឆ្នាំ២០១៨ នេះ លោកប៉ោ លាងគង់ ប្រធានសាខាកាំកុងត្រូលខេត្តតាកែវបានរកឃើញនៅប្រភេទសរសៃគុយទាវបាញ់កាញ់សរសៃធំ ដែលដាក់លក់នៅក្នុងផ្សារតាកែវ ជាង៣០គីឡូក្រាម មានផ្ទុកទៅដោយសារធាតុគីមីបូរ៉ាក់ ដែលនាំឲ្យប៉ះពាល់សុខភាពអ្នកប្រើប្រាស់ ។
សសៃគុយទាវទាំងអស់នោះត្រូវបានមន្ត្រីកាំកុងត្រូលធ្វើការដកហូត ព្រមទាំងឈានទៅដល់ការចុះទៅបិទទីតាំងផលិតសសៃគុយទាវនេះទៀតផង ។
លោកប៉ោ លាងគង់ ប្រធានសាខាកាំកុងត្រូលខេត្តតាកែវបានឲ្យដឹងថា បន្ទាប់ពីពិនិត្យរកឃើញសសៃគុយទាវមានសាធាតុគីមីបូរ៉ាក់ដាក់លក់នៅលើទីផ្សារ លោកបានស្នើសុំគោលការណ៍ទៅលោកអភិបាលខេត្តតាកែវ ចុះបិទទីតាំងផលិតកែច្នៃសរសៃគុយទាវដែលមានផ្ទុកសារធាតុគីមីបូរ៉ាក់នោះភ្លាមៗតែម្ដង ដែលមានទីតាំងនៅភូមិស្លា ឃុំលាយបូរស្រុកត្រាំកក់ ខេត្តតាកែវ ដែលក្នុងនោះមន្ត្រីជំនាញក៏បានធ្វើការដកហូតជាបណ្តោះអាសន្ននៅសម្ភារផលិតមួយចំនួនរបស់ម្ចាស់ទីតាំងយកមករក្សាទុកនៅសាលាឃុំលាយបូរ ។
លោក ឌឹម ថេង អគ្គនាយករងកាំកុងត្រូលបានឲ្យដឹងថា សារធាតុគីមីបូរ៉ាក់ដែលបានដាក់បញ្ចូលទៅក្នុងសរសៃគុយទាវខាងលើនោះ គឺវាមានច្រើនហួសកម្រិតដែលធ្វើឲ្យអ្នកបរិភោគវាទៅមានការប៉ះពាល់ដល់សុខភាពធ្ងន់ធ្ងរ ឬក៏ធ្វើឲ្យអ្នកបរិភោគវា រួចហើយ ភ្លាមៗមានសភាពឈឺក្បាល រាគរួស ជាដើម ។
ក៏ប៉ុន្តែបើសិនជាអ្នកបរិភោគវាយូរៗទៅអាចបង្កជាជំងឺធ្ងន់ធ្ងរប៉ះពាល់ទៅដល់ការខូចក្រលៀន រលាកពោះវៀន រលាកក្រពះ និងរលាកថ្លើមថែមទៀតផង ហើយអ្នកផលិតនេះព្រោះ តែផលប្រយោជន៍ផ្ទាល់ខ្លួននោះ មិនបានគិតដល់ពីភាពប៉ះពាល់ដល់សុខភាពរបស់អ្នកទិញយកទៅបរិភោគឡើយ ហើយទន្ទឹមនឹងការចុះបិទ និងដកហូតសម្ភារសម្រាប់ផលិតនេះខាងជំនាញកាំកុងត្រូលរួមជាមួយអាជ្ញាធរក៏បានឲ្យម្ចាស់ទីតាំងធ្វើកិច្ចសន្យាបញ្ឈប់រាល់ការផលិត និងលក់ចែកចាយ បើសិនមានការរឹងរ៉ូសត្រូវទទួលខុសត្រូវចំពោះមុខច្បាប់ ៕
ចែករំលែកព័តមាននេះ