ខេត្តកំពង់ធំ ៖ ក្មេងស្រីម្នាក់លង់ទឹកស្រះ បណ្តាលឱ្យស្លាប់យ៉ាងអាណោចអាធ័ម ហេតុការណ៍នេះកើតឡើងកាលពីម៉ោង០៤ល្ងាច ថ្ងៃទី០៨ មេសា នៅចំណុចខាងជើងភូមិចុងដា ឃុំត្បូងក្រពើ ស្រុកសន្ទុក…
ខេត្តកំពង់ធំ ៖ ក្មេងស្រីម្នាក់លង់ទឹកស្រះ បណ្តាលឱ្យស្លាប់យ៉ាងអាណោចអាធ័ម ហេតុការណ៍នេះកើតឡើងកាលពីម៉ោង០៤ល្ងាច ថ្ងៃទី០៨ មេសា នៅចំណុចខាងជើងភូមិចុងដា ឃុំត្បូងក្រពើ ស្រុកសន្ទុក ខេត្តកំពង់ធំ។
សមត្ថកិច្ចបានឲ្យដឹងថា ក្មេងរងគ្រោះឈ្មោះ ហ៊ុ ឡៃ ភេទស្រី អាយុ៧ឆ្នាំ រស់នៅភូមិ-ឃុំកើតហេតុខាងលើ មានឪពុកឈ្មោះ ជឿន ជីន និងម្តាយឈ្មោះ ហ៊ីង នីន ។
បើយោងតាមការបំភ្លឺពីម្តាយបង្កើតរបស់ក្មេងរងគ្រោះប្រាប់ថា នៅថ្ងៃកើតហេតុកូនរបស់គាត់បានទៅដើរលេងជាមួយក្មេងៗគ្នាគេបាត់ ចំណែកពួកគាត់នៅផ្ទះ មួយសន្ទុះធំស្រាប់តែឃើញក្មួយប្រុសរបស់គាត់ឈ្មោះ ហ៊ុ ធីន អាយុ៥ឆ្នាំ រត់មកប្រាប់គាត់ថា បងលង់ទឹកស្រះខាងជើងភូមិ ។ ឮដូច្នេះគាត់ក៏ប្រាប់ប្តី និងញាតិជិតខាងឲ្យនាំគ្នាទៅកន្លែងកើតហេតុមានចម្ងាយប្រហែលជា៣០០ម៉ែត្រ និងនាំគ្នាបួនប្រាំនាក់ចុះមុជរាវរកនៅក្នុងស្រះ ក៏ប្រទះឃើញសពកុមារីរងគ្រោះនៅបាតស្រះជំរៅប្រហែល៣ម៉ែត្រ ក៏ស្រង់យទៅដំកល់នៅលើលំនៅដ្ឋាន ។
ក្រោយមកក៏ដឹងព័ត៌មានដល់កម្លាំងជំនាញបានចុះដល់ទីកន្លែងកើតហេតុធ្វើការពិនិត្យសព និងកន្លែងកើតហេតុ ឃើញថា ជនរងគ្រោះពិតជាស្លាប់ដោយសារទៅលេងទឹកស្រះប្រាកដមែន ក៏បានប្រគល់សពជូនក្រុមគ្រួសារយកធ្វើបុណ្យតាមប្រពៃណី៕
ចែករំលែកព័តមាននេះ