រាជធានីភ្នំពេញ ៖ ព្រះបាទករុណាព្រះបាទសម្តេចព្រះបរមនាថនរោត្តមសីហមុនី ព្រះមហាក្សនៃព្រះរាជណាចក្រកម្ពុជា បានកោតសរសើរដល់រាជរដ្ឋាភិបាលដែលតែងតែប្រកាន់ភ្ជាប់ការនូវគោលការណ៍សាមគ្គីជាតិ ដើម្បីប្រជាជាតិជាធំ ។ នេះបើតាមព្រះរាជសាររបស់ព្រះអង្គ ក្នុងឱកាសបើបកបវេសនកាលនៃរដ្ឋសភា សម័យប្រជុំរដ្ឋសភាលើកទី១០…
រាជធានីភ្នំពេញ ៖ ព្រះបាទករុណាព្រះបាទសម្តេចព្រះបរមនាថនរោត្តមសីហមុនី ព្រះមហាក្សនៃព្រះរាជណាចក្រកម្ពុជា បានកោតសរសើរដល់រាជរដ្ឋាភិបាលដែលតែងតែប្រកាន់ភ្ជាប់ការនូវគោលការណ៍សាមគ្គីជាតិ ដើម្បីប្រជាជាតិជាធំ ។ នេះបើតាមព្រះរាជសាររបស់ព្រះអង្គ ក្នុងឱកាសបើបកបវេសនកាលនៃរដ្ឋសភា សម័យប្រជុំរដ្ឋសភាលើកទី១០ នីតិកាលទី៥ នៅថ្ងៃទី៩ មេសា ឆ្នាំ២០១៩ ។
យោងតាមព្រះរាជសារដែលអានដោយសម្តេចហេង សំរិន ប្រធានរដ្ឋសភាបានបន្តថា រដ្ឋសភាក្នុងនាមស្ថាប័ននីតិប្បញ្ញតិ្ត បានបំពេញតួនាទីរបស់ខ្លួនយ៉ាងខ្ជាប់ខ្ជួនប្រកបដោយប្រសិទ្ធភាព ជាពិសេសបានអនុវត្តតួនាទីរបស់ខ្លួនក្នុងមុខងារនីតិកម្ម ធ្វើជាអ្នកតំណាង និងតាមដានការអនុវត្តន៍ច្បាប់សម្រេចកាងារបានយ៉ាងល្អប្រសើរ ។
ដោយមានកិច្ចសហប្រតិបត្តិការល្អជាមួយស្ថាប័នរដ្ឋកំពូលៗ មានព្រឹទ្ធសភា ក្រុមប្រឹក្សាធម្មនុញ្ញរាជរដ្ឋាភិបាល អង្គការអន្តរជាតិនានា និងអង្គការក្រៅរាជរដ្ឋាភិបាល រដ្ឋសភាបានបំពេញការងារដោយទទួលបានលទ្ធផលល្អប្រសើរ ក្នុងការតាក់តែង និងអនុម័តច្បាប់ឲ្យសមស្របទៅនឹងស្ថានភាពរបស់សង្គមជាតិយើង ។
ព្រះរាជសារបញ្ជាក់ថា «ខ្ញុំព្រះករុណាមានសង្ឃឹមថា រដ្ឋសភាជាតិដ៏ឧត្តុងឧត្តមដែលជាតំណាងប្រជាពលរដ្ឋនឹងបន្តខិតខំប្រឹងប្រែងសហការ ជាមួយស្ថាប័នជាតិកំពូលៗនានាថែមទៀត ដើម្បីសម្រេចឲ្យបាននូវទិសដៅរួមរបស់រាជរដ្ឋាភិបាលកម្ពុជា ជាជំហានៗ ធានាបាននូវសង្គមកម្ពុជាមួយដែលរឹងមាំ មានសន្តិភាព ស្ថិរភាពនយោបាយ សន្តិសុខ និងសណ្តាប់ធ្នាប់សង្គម មានការអភិវឌ្ឍន៍ប្រកបដោយចីរភាព និងសមធម៌ » ។
នៅក្នុងនីតិកាលទី៥ នៃរដ្ឋសភានេះ « ខ្ញុំករុណា ខ្ញុំសង្កេតឃើញថា ប្រទេសកម្ពុជាបានទទួលជោគជ័យក្នុងការសម្រេចបានកំណើនផលិតផលក្នុងស្រុកតាមរយះការអនុវត្តន៍គោលនយោបាយរបស់រាជរដ្ឋាភិបាលកម្ពុជា ដែលបានជុំរុញកំណើនសេដ្ឋកិច្ច និងកាត់បន្ថយភាពក្រីក្ររបស់ប្រជាពលរដ្ឋជារៀលរាល់ឆ្នាំ ។
រាជដ្ឋាភិបាលបានបន្តជំរុញការអនុវត្តន៍ផែនកាយុទ្ធសាស្ត្រវិស័យសុខាភិបាលសំដៅលើកស្ទួយអនាម័យ សុខភាព សុខុមាលភាពរបស់ប្រជាជនបានកាន់តែល្អប្រសើរ ជាពិសេស ប្រជាជនក្រីក្រ ស្ត្រី និងកុមារ ។ លើសពីនេះក៏បានអនុវត្តន៍គោលនយោបាយអភិវឌ្ឍន៍ប្រព័ន្ធសុវត្ថិភាពសង្គម ការគាំពារសង្គម សម្រាប់ជនក្រីក្រ និងជនងាយរងគ្រោះ កាការពារ និងលើកកម្ពស់សិទ្ធិជនពិការ និងគោលនយោបាយជាតិ សម្រាប់មនុស្សចាស់ ។
ព្រះរាជសារគូសបញ្ជាក់ថា« ខ្ញុំព្រះករុណា ខ្ញុំសុំអប់អរសាទរដល់រាជរដ្ឋាភិបាលដែលតែងតែបានប្រកាន់ភ្ជាប់នូវ គោលការណ៍សាមគ្គីជាតិ ដើម្បីរួបរួមពួតដៃគ្នា រវាងប្រជាជាតិកម្ពុជាទាំងអស់ ទាំងក្នុង និងក្រៅប្រទេស លើគ្រប់មជ្ឈដ្ឋាន និងនិន្នាការនយោបាយ ដើម្បីកសាង ការពារជាតិ សមិទ្ធផលសង្គម និងការធានាឲ្យមានឯកភាពជាតិបូរភាពទឹកកដី អធីបតេយ្យភាពជាតិ សន្តិភាព លទ្ធិប្រជាធិបតេយ្យ និងវឌ្ឍនភាព» ។
ជាមួយគា្ននោះដែរ ព្រះអង្គកីបានកោតស សើរ និងថ្លែងអំណរគុ ណដ៏ជ្រាល ជ្រៅបំផុត ចំពោះ សម្តេច ហេង សំរិន ប្រធានរដ្ឋសភា អនុប្រធាននៃរដ្ឋសភា លោក លោកស្រី ប្រធានគណៈកម្មការទាំង១០ និងសមាជិក សមាជិការ នៃរដ្ឋសភាទាំងអស់ ដែលបានខិតខំយកចិត្តទុកដាក់បំពេញភារកិច្ចរបស់ខ្លួន ក្នុងការបម្រើសង្គមជាតិយើង ។
ព្រះបាទសីហមុនីបានមានព្រះបន្ទូលក្នុងព្រះរាជសារគូសបញ្ជាក់បន្ថែមថា សូមកោតសសើរយ៉ាងជ្រាលជ្រៅ ចំពោះសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានដឹកនាំរាជរដ្ឋាភិបាលកម្ពុជា ប្រកបដោយជោគជ័យ និងបានខិតខំប្រឹងប្រែងដោះស្រាយបញ្ហាប្រឈមទាំងពួងរបស់ប្រទេស ប្រកបដោយបញ្ញាណ ៕
ចែករំលែកព័តមាននេះ