តើវៀតណាមអាចប្រកួតជាមួយ Grab ឬទេ ?
ទីក្រុងហាណូយ ៖ អនុប្រធានគណៈកម្មាធិការជាតិសុវត្ថិភាពចរាចរណ៍វៀតណាម លោក Khuat Viet Hung បានថ្លែងថា ក្រុមហ៊ុន Grab…
ទីក្រុងហាណូយ ៖ អនុប្រធានគណៈកម្មាធិការជាតិសុវត្ថិភាពចរាចរណ៍វៀតណាម លោក Khuat Viet Hung បានថ្លែងថា ក្រុមហ៊ុន Grab…
ទីក្រុងហាណូយ ៖ អនុប្រធានគណៈកម្មាធិការជាតិសុវត្ថិភាពចរាចរណ៍វៀតណាម លោក Khuat Viet Hung បានថ្លែងថា ក្រុមហ៊ុន Grab បានទិញ Uber ដើម្បីចូលរួមចែករំលែកយានជំនិះក្នុងទីផ្សារប្រទេសវៀតណាម ។
លោកបានថ្លែងក្នុងសិក្ខាសាលាមួយនៅទីក្រុងហាណូយ កាលពីថ្ងៃសុក្រថា Uber គ្មានប្រជាប្រិយភាពទេកាលពី៧ទៅ៨ឆ្នាំមុន ហើយនៅពេល Uber ចូលក្នុងទីផ្សារវៀតណាម គឺគ្មាននរណាស្គាល់ Grab ឡើយ ។
លោក Khuat Viet Hung បន្តថា ៖« នៅពេលមានក្រុមហ៊ុនធំមួយក្នុងទីផ្សារ ពួកយើងតែងតែមានអារម្មណ៍ភ័យព្រួយ ប៉ុន្តែខ្ញុំគិតថា ការដែល Grab ទិញ Uber វាគឺជាឱកាសមួយសម្រាប់អាជីវកម្មវៀតណាម » ។
Grab បានប្រកាសជាផ្លូវការថា ពួកគេសម្រេចចិត្តទិញអាជីវកម្ម Uber នៅតំបន់អាស៊ីអាគ្នេយ៍ ។ បច្ចុប្បន្ន Uber មានភាគហ៊ុន២៧,៥% ក្នុង Grab ខណៈនាយកប្រតិបត្តិរបស់ Uber នឹងចូលក្នុងក្រុមគណៈនាយកគ្រប់គ្រងរបស់ Grab ផងដែរ ។
Uber បានប្រកាសជាផ្លូវការទៅកាន់អតិថិជនទាំងអស់របស់ខ្លួនពីការផ្លាស់ប្តូរនេះ ដែលនឹងចាប់ផ្តើមពីថ្ងៃទី៨ មេសា និងប្រាប់អតិថិជនឲ្យទាញយកកម្មវិធី Grab វិញ ។
លោក Nguyen Cong Hung ប្រធានសមាគមតាក់ស៊ីក្រុងហាណូយ បានថ្លែងថា មុនពេលចូលក្នុងទីផ្សារប្រទេសវៀតណាម ក្រុមហ៊ុន Uber និង Grab បានសិក្សាពីច្បាប់របស់ប្រទេស ដើម្បីស្វែងរកចន្លោះបង្កើនចំណុចពិសេសរបស់ខ្លួន ។
លោកបន្តថា នៅពេល Uber និង Grab មកដល់ប្រទេសវៀតណាមភ្លាម តាក់ស៊ីចាស់ៗបានឈ្វេងយល់ពីបច្ចេកវិទ្យា និងបង្កើតកម្មវិធីចែករំលែកយានជំនិះរបស់ខ្លួន ហើយទទួលស្គាល់ថា អាជីវកម្មតាក់ស៊ីចាស់ៗក្នុងប្រទេសវៀតណាម ក៏ត្រូវបង្កើតថ្មីដែរ ។
លោកបន្ថែមថា សមាគមរបស់លោកបានស្នើឲ្យមានការស្ថាបនាមជ្ឈមណ្ឌលកក់តាក់ស៊ីមួយ ។ លោកថា ៖« សមាគមចង់បង្កើតឲ្យមានសមភាពនិងភាពយុត្តិធម៌ក្នុងអាជីវកម្ម ព្រមទាំងចង់បង្កើតឲ្យមានវិធីវាយតម្លៃគុណភាពសេវាកម្មផងដែរ » ៕
ចែករំលែកព័តមាននេះ