រាជធានីភ្នំពេញ ៖ យុវជនម្នាក់ត្រូវបានស្លាប់នៅនឹងកន្លែង បន្ទាប់ពីបានជិះម៉ូតូទៅបុកនឹងជញ្ជាំងរបងថ្មដែលមានកំពស់១ម៉ែត្របាក់អស់មួយផ្ទាំងប្រវែងប្រមាណ២ម៉ត្រ ។ ករណីគ្រោះថ្នាក់នេះ បានកើតឡើងនៅវេលាម៉ោង០១រំលងអធ្រាត្រ ឈានចូលថ្ងៃទី០៩ ខែមេសា ឆ្នាំ២០១៨…
រាជធានីភ្នំពេញ ៖ យុវជនម្នាក់ត្រូវបានស្លាប់នៅនឹងកន្លែង បន្ទាប់ពីបានជិះម៉ូតូទៅបុកនឹងជញ្ជាំងរបងថ្មដែលមានកំពស់១ម៉ែត្របាក់អស់មួយផ្ទាំងប្រវែងប្រមាណ២ម៉ត្រ ។ ករណីគ្រោះថ្នាក់នេះ បានកើតឡើងនៅវេលាម៉ោង០១រំលងអធ្រាត្រ ឈានចូលថ្ងៃទី០៩ ខែមេសា ឆ្នាំ២០១៨ នៅចំណុចភូមិស្មាច់មានជ័យ សង្កាត់ស្មាច់មានជ័យ ក្រុងខេមរៈភូមិន្ទ ខេត្តកោះកុង ។ លុះដល់ព្រឹកឡើងទើបអ្នកធ្វើដំណើរតាមផ្លូវប្រទះឃើញរួចរាយការណ៍ប្រាប់សមត្ថកិច្ចក្រុង ។
តាមការបញ្ជាក់របស់សមត្ថកិច្ចឲ្យដឹងថា យុវជនរងគ្រោះខាងលើឈ្មោះ ឌុល ស្រា៑ន់ អាយុ២៣ឆ្នាំ មានមុខរបរជាកម្មករសំណង់ និងមានទីលំនៅក្នុងភូមិឃុំកើតហេតុ ។ សមត្ថកិច្ចបញ្ជាក់ទៀតថា តាមការអង្កេតទីតាំងកើតហេតុឃើញថា យុវជនរងគ្រោះបានជិះម៉ូតូម៉ាកវ៉េវ តាមផ្លូវបេតុង តែពេលទៅដល់ចំណុចកើតហេតុក៏មានផ្លូវបែកជា២បត់ឆ្វេងស្តាំ ប៉ុន្តែម៉ូតូមិនបានបត់ទេ បែរជាទៅមុខត្រង់បុកនឹងរបងថ្ម បណ្ដាលឲ្យបាក់របងប្លោងម៉ូតូចូលទៅក្នុងតែម្តង ចំណែកអ្នកបើកបរត្រូវបោកក្បាលផ្ទុបនឹងជញ្ជាំងរបងខ្ទាតមកក្រោយវិញ បណ្ដាលឲ្យស្លាបនៅនឹងកន្លែងកើតហេតុ ។
សមត្ថកិច្ចមិនបានបញ្ជាក់ថា ជនរងគ្រោះបើកបរក្នុងស្ថានភាពស្រវឹង ឬក៏អត់នោះទេប៉ុន្តែ ដឹងថាបើកបរក្នុងល្បឿនលឿនខ្លាំងណាស់ទើកបុករបងថ្មនេះធ្លាយ ហើយពេលនេះសមត្ថកិច្ចបានប្រគល់សពជនរងគ្រោះយកទៅធ្វើបុណ្យតាមប្រពៃណី ៕
ចែករំលែកព័តមាននេះ