ខេត្តសៀមរាប ៖ សេចក្តីរាយការណ៍បឋមឱ្យដឹងថា មានករណីគេប្រទះឃើញស្ត្រីម្នាក់បានស្លាប់ក្នុងថ្លុកឈាម បង្កការភ្ញាក់ផ្អើលកាលពីវេលាម៉ោង០៦ព្រឹកថ្ងៃទី០៩ មេសា នេះ ស្តិតត្រង់ចំណុចផ្លូវលំត្រពាំងអក បល់ ក្នុងភូមិផ្ការំចេក…
ខេត្តសៀមរាប ៖ សេចក្តីរាយការណ៍បឋមឱ្យដឹងថា មានករណីគេប្រទះឃើញស្ត្រីម្នាក់បានស្លាប់ក្នុងថ្លុកឈាម បង្កការភ្ញាក់ផ្អើលកាលពីវេលាម៉ោង០៦ព្រឹកថ្ងៃទី០៩ មេសា នេះ ស្តិតត្រង់ចំណុចផ្លូវលំត្រពាំងអក
បល់ ក្នុងភូមិផ្ការំចេក ឃុំតាយ៉ែក ស្រុកសូទ្រនិគម ខេត្តសៀមរាប ដែលកំពុងសង្ស័យថា ជាករណីឃាតកម្មប្តីចាក់សម្លាប់ប្រពន្ធចុង ។
សេចក្តីរាយការណ៍បន្តថា ស្ត្រីរងគ្រោះដែលស្លាប់ ត្រូវបានស្គាល់ឈ្មោះប៉ក់ ឈាន អាយុ៣៦ឆ្នាំ ជាកម្មករ
(មានផ្ទៃពោះ៤ខែ) មានទីលំនៅភូមិកំពង់ក្របី ឃុំព្រៃគុយ ស្រុកកំពង់ស្វាយ ខេត្តកំពង់ធំ ។ រីឯជនសង្ស័យ ត្រូវជាប្តី ស្គាល់ឈ្មោះស៊ន់ ទឹត អាយុ៣៦ឆ្នាំ ជាកម្មករ មានទីលំនៅភូមិផ្ការំចេក ឃុំតាយ៉ែក ស្រុកសូទ្រនិគម ខេត្តសៀមរាប ។
បើតាមការអះអាងពីម្តាយស្ត្រីរងគ្រោះថា កូនស្រីគាត់ដែលស្លាប់នេះគឺជាប្រពន្ធដែលទើបយកគ្នាជាប្តី បានរយៈ៨ខែប៉ុណ្ណោះ និងនាំគ្នាមករស់នៅ និងធ្វើជាកម្មករសំណង់ជាមួយគ្នា ។ លុះនៅថ្ងៃទី០៦ មេសា ប្តីរូបនេះបានលួចផ្ទះប្រពន្ធដើម នៅភូមិផ្ការរំចេក ទើបត្រឡប់មកវិញកាលពីថ្ងៃទី០៨ មេសា ។ ពេលនោះ កូនស្រីគាត់ (ស្ត្រីដែលស្លាប់) បានបបួលគាត់ទៅតាមប្តីនៅភូមិនោះ ដើម្បីសុំយកអត្តសញ្ញាណប័ណ្ណ ។ ពេលទៅដល់ទើបដឹងថា ការពិតកូនប្រសានេះមានប្រពន្ធហើយ នៅក្នុងភូមិនោះ តែក៏មិនបានឈ្លោះគ្នាអីដែរ ។ នៅពេលយប់ គាត់និងកូនស្រីបានដើរត្រឡប់ផ្ទះវិញ ស្រាប់តែប្តីនេះមកតាមចាក់សម្លាប់កូនស្រីគាត់ស្លាប់នៅកណ្តាលផ្លូវតែម្តង ព្រោះតែដឹងថា បែកការណ៍ទៅដល់ប្រពន្ធដើមដឹងរឿងថា គេមានប្រពន្ធចុង ដែលជាកូនស្រីគាត់នេះ ។ បច្ចុប្បន្ន ជនសង្ស័យខាងលើ បានរត់គេចខ្លួន ដោយសមត្ថកិច្ចកំពុងស្វែងរកចាប់ខ្លួន ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ