រាជធានីភ្នំពេញ ៖ បុរសម្នាក់ទើបតែចេញមកពីផឹកស៊ីនៅផ្សារកុងត័រនឺបើករថយន្តឡិចស៊ីស RX-300 ឆ្លូងមិនបានប្រយ័ត្នត្រូវម៉ូតូជិះគ្នា៣នាក់បុកចំគូថរថយន្តពីក្រោយពេញទំហឹងផ្នែកខាងឆ្វេងបណ្តាលឱ្យរងរបួសធ្ងន់៣នាក់ ហេតុការណ៍នេះបានកើតឡើងកាលពីវេលាម៉ោង១នឹង៣០នាទីរំលងអាធ្រាត្រឈានចូលថ្ងៃទី៩ ខែមេសា ឆ្នាំ២០១៨ តាមបណ្តោយផ្លូវរដ្ឋសភានៅចំណុចក្បែរនឹងផ្សារកុងត័រនឺ ស្ថិតនៅក្នុងសង្កាត់ទន្លេបាសាក់ខណ្ឌចំការមន ។
តាមប្រភពព័ត៌មានពីសាក្សីដែលឃើញហេតុការណ៍បានឱ្យដឹងថា មុនពេលកើតហេតុគេបានឃើញបុរសម្នាក់ទើបតែចេញមកពីផឹកស៊ីនៅផ្សារកុងត័រនឺបើករថយន្តមួយគ្រឿងម៉ាកឡិចស៊ីស RX-300 ពណ៌ស្ករ ពាក់ផ្លាកលេខ ភ្នំពេញ ២R-០៩៩០ បើកបរតាមបណ្តោយផ្លូវរដ្ឋសភាក្នុងទិសដៅពីត្បូងទៅជើង ខណៈបើកមកដល់ចំណុចកើតហេតុខាងលើនេះរថយន្តឡិចស៊ីសគាត់ក៏បានបើកឆ្លងផ្លូវ ប៉ុន្តែផុតផ្លូវទៅហើយក៏ស្រាបតែមានយុវជន៣នាក់ជិះម៉ូតូមួយគ្រឿងម៉ាកស្មាសវី ពណ៌ខ្មៅ ពាក់ផ្លាកលេខ កំពុងធំ ១F-០៣១៧ បើកបរតាមបណ្តោយផ្លូវរដ្ឋសភាក្នុងទៅដៅពីជើងទៅត្បូងបើកក្នុងល្បឿនយ៉ាងលឿនទំនងជាស្រវឹងស្រាអត់មានបន្ថយល្បឿនអីនោះទេ ក៏រេចង្កូតជ្រុលមកបុកចំគូថរថយន្តឡិចស៊ីស RX-300 ចំពីក្រោយពេញទំហឹងបណ្តាលដួលរងរបួសធ្ងន់ខ្លួនសន្លប់ស្តូកស្តឹងទាំង៣នាក់ខូចខាតរថយន្តបែកកង់ខាងក្រោយនឹងក្រពឹតទ្វាខាងឆ្វេង ចំណែកម៉ូតូស្មាសវីវិញរងការខូចខាតបាក់កាំខាងមុខភ្លាមៗនោះដែលម្ចាស់រថយន្តឡិចស៊ីសមិនបានបើករត់នោះទេគាត់ក៏បានឈប់រថយន្តហើយចុះមកមើលជនរងគ្រោះដែលដោយសារតែស្ថានភាពធ្ងន់ធ្ងរពេកក៏ឱ្យរថយន្តសង្គ្រោះដឹកយកទៅព្យាបាល ។
ក្រោយពេលកើតហេតុរថយន្តនឹងម៉ូតូត្រូវបានសមត្ថកិច្ចធ្វើការវាសវែងយកទៅរក្សាទុកនៅការិយាល័យចរាចរណ៍ផ្លូវគោករងចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ