ពិធីសំណេះសំណាល និងបំពាក់គ្រឿងឥស្សរិយសការពារជាតិ
- បាត់ដំបង
ខេត្តបាត់ដំបង ៖ នាយឧត្តមសេនីយ៍ គន់ គីម អគ្គលេខាធិការគណៈអចិន្ត្រៃយ៍ នៃគណៈកម្មាធិការកណ្តាល សមាគមអតីតយុទ្ធជនកម្ពុជា អមដំណើរដោយឧត្តមសេនីយ៍ទោ ច័ន្ទ…
ខេត្តបាត់ដំបង ៖ នាយឧត្តមសេនីយ៍ គន់ គីម អគ្គលេខាធិការគណៈអចិន្ត្រៃយ៍ នៃគណៈកម្មាធិការកណ្តាល សមាគមអតីតយុទ្ធជនកម្ពុជា អមដំណើរដោយឧត្តមសេនីយ៍ទោ ច័ន្ទ…
ខេត្តបាត់ដំបង ៖ នាយឧត្តមសេនីយ៍ គន់ គីម អគ្គលេខាធិការគណៈអចិន្ត្រៃយ៍ នៃគណៈកម្មាធិការកណ្តាល សមាគមអតីតយុទ្ធជនកម្ពុជា អមដំណើរដោយឧត្តមសេនីយ៍ទោ ច័ន្ទ សុថុន មេបញ្ជាការរង យោធភូមិភាគទី៥, ឧត្តមសេនីយ៍ទោ ជា ភួងភិរម្យ មេបញ្ជាការ កងពលតូចថ្មើរជើងលេខ៥៣, លោក ហឿង សុគន្ធអភិបាលរង ខេត្តបាត់ដំបង, ឧត្តមសេនីយ៍ត្រី អ៊ុក ឃ្នួច មេបញ្ជាការតំបន់ប្រតិបត្តិការសឹករងបាត់ដំបង ជាប្រធាន ស.អ.ក ខេត្ត, ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្ត អនុប្រធាន ស.អ.ក ខេត្ត, ឧត្តមសេនីយ៍ត្រី ហេង ចន្ថា ស្នងការរង នគរបាលខេត្ត ជាសមាជិកគណៈកម្មាធិការ ស.អ.ក ខេត្ត, លោកប្រធានមន្ទីរសង្គមកិច្ចខេត្ត អនុប្រធានប្រចាំការ ស.អ.ក ខេត្ត, លោកអភិបាលស្រុក, លោកប្រធាន អនុប្រធាន ស.អ.ក ស្រុក, ក្រុមការងារស.អ.ក ខេត្ត/ស្រុក, លោកប្រធាន អនុប្រធានសាខាឃុំ អាជ្ញាធរដែនដី សរុបចំនួន៨៥នាក់ អញ្ជើញជាអធិបតីក្នុងពិធីសំណេះសំណាល និងបំពាក់គ្រឿងឥស្សរិយសការពារជាតិ ជូនដល់សមាជិក សមាគម អតីតយុទ្ធជនកម្ពុជា ស្រុកភ្នំព្រឹកចំនួន៤៨៥នាក់ ក្នុងនោះមានមេដាយការពារជាតិមាសចំនួន ១គ្រឿង, មេដាយការពារជាតិប្រាក់ចំនួន ៨៩គ្រឿង, មេដាយការពារជាតិសំរិទ្ធិ ចំនួន៣៩៥គ្រឿង។
ពិធីនេះអតីតយុទ្ធជនដែលចូលរួមទាំងអស់ម្នាក់ៗទទួលបានថវិកាចំនួន ៥ម៉ឺនរៀលបន្ថែមទៀត ជាអំណោយរបស់សម្តេច អគ្គមហាសេបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រធាន សមាគមអតីតយុទ្ធជនកម្ពុជា។ ឧត្តមសេនីយ៍ត្រី អ៊ុក ឃ្នួច ប្រធានសមាគមអតីតយុទ្ធជន មេបញ្ជាការប្រតិបត្តការសឹករងខេត្តបាត់ដំបងបានថ្លែងថា សមាជិកសមាគមអតីតយុទ្ធជនខេត្តបាត់ដំបង មានប្រមាណជាង១ម៉ឺនគ្រួសារ ដោយធ្វើតាមគោលនយោបាយចុះជួយដល់បងប្អូនជួបការលំបាក សំខាន់លើកស្ទួយជីវភាពក្នុងក្រុមគ្រួសារ ជួយដំឡើងប្រាក់បៀវត្សរ៍ ប្រាក់សោធននិវត្តន៍ ឧបត្ថម្ភប្រាក់មរណៈសង្គ្រោះ ជួយដោះស្រាយប្រគល់ដីធ្លី និងកសាងផ្ទះស្នាក់នៅបានចំនួន៧៨ខ្នង ដែលជាវប្បធម៌នៃការចែករំលែកទុក្ខលំបាកជួយគ្នាក្នុងការតបស្នងដឹងគុណក្នុងពេលដែលអតីតយុទ្ធជនបានជួយប្រទេសជាតិយើងបានរួចចាកផុតពីគ្រោះប្រល័យពូជសាសន៍បនប៉ុលពត ហើយទទួលបានសុខសន្តិភាព និងការរីកចម្រើនរហូតដល់សព្វថ្ងៃនេះ។
បន្តមកនាយឧត្តមសេនីយ៍ គន់ គីម បានលើកការសរសើរសមាគមអតីតយុទ្ធជនខេត្តបាត់ដំបងចេះប្រឹងប្រែងជួយគ្នាក្នុងការដឹងគុណ សំខាន់អរគុណដល់សប្បុរសជនដែលតែងតែជួយជាប់ជានិច្ចក្នុងការខ្វះខាតជួបការលំបាកកន្លងមក នេះក៏ព្រោះតែបងប្អូនមានជំនឿលើសម្តេចតេជោ ហ៊ុន សែន ជានាយករដ្ឋមន្ត្រីបានការពារដឹកនាំ ប្រទេសជាតិតាំងពីបាតដៃទទេរហូតមានការរីកចម្រើនមានផ្លូវថ្នល់ សាលារៀន មន្ទីរពេទ្យ វត្តអារាម អាគារពាណិជ្ជកម្មរីកដុះដាលធ្វើឲ្យសេដ្ឋកិច្ចមានការលូតលាស់ទើបប្រាក់បៀវត្សរ៍មន្ត្រីរាជការយើងឡើងបានជាបន្តបន្ទាប់។ ហើយយើងត្រូវខិតខំរួមគ្នាការពារមិនឲ្យមានការបាត់បង់នូវសុខសន្តិភាព ដែលបងប្អូនកូនចៅកំពុងតែរស់នៅត្រូវការជារៀងរាល់ថ្ងៃបាត់បង់ទៅវិញបានឡើយ៕
ចែករំលែកព័តមាននេះ