វត្តមាននាយចឺមនាទឹកដីខេត្តកំពង់ឆ្នាំង ទទួលបានគាំទ្រយ៉ាងច្រើនលើសលប់
- កំពង់ឆ្នាំង
ខេត្តកំពង់ឆ្នាំង ៖ នៅរសៀលថ្ងៃទី៨ ខែមេសាឆ្នាំ ២០១៨ ក្នុងឱកាសថ្ងៃបញ្ចប់ នៃពិធីបុណ្យភូមិ នៅក្នុងវត្ត ពលិសបុព្វតារាម ហៅវត្តសន្ទូច…
ខេត្តកំពង់ឆ្នាំង ៖ នៅរសៀលថ្ងៃទី៨ ខែមេសាឆ្នាំ ២០១៨ ក្នុងឱកាសថ្ងៃបញ្ចប់ នៃពិធីបុណ្យភូមិ នៅក្នុងវត្ត ពលិសបុព្វតារាម ហៅវត្តសន្ទូច…
ខេត្តកំពង់ឆ្នាំង ៖ នៅរសៀលថ្ងៃទី៨ ខែមេសាឆ្នាំ ២០១៨ ក្នុងឱកាសថ្ងៃបញ្ចប់ នៃពិធីបុណ្យភូមិ នៅក្នុងវត្ត ពលិសបុព្វតារាម ហៅវត្តសន្ទូច ស្ថិតក្នុងទឹកដីខេត្តកំពង់ឆាំ្នង គេសង្កេតឃើញមានវត្ត មាននាយចឺម ដែលជាអតីតតារាកំប្លែង ក្រោយមកបានក្លាយខ្លួនជាតារាចម្រៀង និងសម្ដែង បានមានវត្តមាន នៅលើឆាកប្រគុំតន្ត្រី ដែលរៀបចំឡើងដោយក្រុមយុវជនស្ម័គ្រចិត្ត ក្រោមការជួយឧបត្ថម ដោយអាជ្ញាធរខេត្តកំពង់ឆ្នាំង។ វត្តមានរបស់នាយចឺម ក្នុងឱកាសនោះបានធ្វើឲ្យមានអ្នកគាំទ្រនាយចឺម ភាគច្រើនជាយុវវ័យ បានហោកញ្ជ្រៀវយ៉ាងកងរំពង ពេលនាយចឺមច្រៀងជាមួយក្រុមរាំរបស់ខ្លួនម្តងៗ។
បទចម្រៀងនាយចឺម ច្រៀងនៅលើឆាក ដែលភាគច្រើនគឺជាបទញាក់ បានធ្វើឲ្យអ្នកគាំទ្រយ៉ាងច្រើន នៅខាងក្រោមឆាក ឡើងរាំកន្ត្រាក់លើកដៃស្រែកហ៊ោពេញមុខឆាកគ្មានសល់នរណាម្នាក់ឡើយ។ ក្រោយពីច្រៀង និងរាំបានប្រមាណជា៥-៦បទ នាយចឺមបានសុំសម្រាក ហើយទៅចូលរួមក្នុងពិធី ស្រង់ព្រះជាមួយនឹងលោកជំទាវ អភិបាលរងខេត្ត និងក្រុមយុវជនស្ម័គ្រចិត្ត រួមនឹងអ្នកគាំទ្រមួយ ចំនួនទៀត។ បន្ទាប់ពីការចូលរួមក្នុងពីធីស្រង់ព្រះរួចហើយ នាយចឺមក្នុងសម្លៀកបំពាក់ ខោខ្មៅរហែកជង្គង់ ពាក់អាវដៃខ្លីពណ៌ខៀវផ្កាស និងអាវយឺតក្នុងរំលេចអក្សរកំពង់ឆ្នាំង បុណ្យភូមិយើង បានត្រលប់ឡើងឆាកតន្ត្រី និងច្រៀងរាំជាមួយក្រុមរាំរបស់ខ្លួនបន្តទៀត ដែលមានទស្សនិកជន ជាពិសេសយុវវ័យ មានការពេញចិត្តសប្បាយរីករាយ ស្រែកហ៊ោកញ្ជៀវយ៉ាងកងរំពង។
ជាមួយគ្នានោះ ក្រុមរថយន្តរបស់ស្នងការដ្ឋានគរបាលខេត្ត ក៏បានបាញ់ទឹកទៅលើអ្នកអ្នករាំរាប់ពាន់នាក់ បានញ៉ាំង ឲ្យបរិយាកាសនេះរឹតតែសប្បាយរីករាយក្រៃលែង។ សូមបញ្ជាក់ថា នេះជាលើកទី១ហើយ ដែលវត្តមាននាយចឺម មកកាន់ទឹកដីខេត្តកំពង់ឆ្នាំង ដើម្បីចូលរួមនៅក្នុងពិធីបុណ្យភូមិ ហើយត្រូវបានអ្នកគាំទ្រចូលរួមអបអរសាទរយ៉ាងច្រើនកុះករ៕
ចែករំលែកព័តមាននេះ