ស៊ីរី ៖ ទីភ្នាក់ងារពីក្រុងដាម៉ាស់ កាលពីថ្ងៃទី៨មីនា កន្លងមកផ្សាយថាអង្គការសង្កេតការណ៍ផ្នែកសិទ្ធិមនុស្សរបស់ស៊ីរី(SOHR) ផ្សាយថា ប្រតិបត្តិការវាយប្រហារតាមផ្លូវអាកាស នៅក្រុងឌូម៉ាក្នុងតំបន់គូតាខាងកើត កាលពីថ្ងៃទី៦មីនា២០១៨ បានស្លាប់៤០នាក់ និងកាលពីថ្ងៃទី៧មីនា២០១៨ មានអ្នកស្លាប់៣០នាក់ ។
ចំណែកទីភ្នាក់ងារ «SANA» របស់រដ្ឋាភិបាលក្រុងដាម៉ាស់បានបញ្ជាក់បន្ថែមថាកងទ័ពបានវាយប្រហារបានវាយប្រហារតំបន់មួយចំនួន នៅក្រុងឌូម៉ា ខណៈពេលក្រុមឧទ្ទាមJaish al-Islam បានធ្វើការតបតដោយបាញ់កាំភ្លើងធំចេញពីតំបន់គ្រប់គ្រងរបស់ខ្លួនបង្កឲ្យមានអ្នកស្លាប់៦នាក់ ។ ពួកឧទ្ទាមបានបញ្ជាក់ថាការវាយប្រហារខាងលើគ្មានគោលដៅវាយប្រហារលើតំបន់រស់នៅរបស់ពលរដ្ឋទេ និងបានព្រមានដល់រដ្ឋាភិបាលជាអ្នកល្មើសលើបទឈប់បាញ់ ។ ចំណែកតាមរបាយការណ៍ពីបជ្ឈមណ្ឌលជួយសង្គ្រោះដែលបង្កើតឡើងដោយភាគីប្រឆាំងបង្ហាញថា អ្នកស្លាប់ និងអ្នករងរបួសភាគច្រើនមានអាការៈពិបាកដកដង្ហើមដោយសារឧស្ម័នពុល ប៉ុន្តែគ្មានការផ្ដល់ទិន្នន័យបន្ថែម ។
ចំណែកកងទ័ពសីុរីបានធ្វើកាបដិសេធពីរបាយការណ៍ខាងលើ និងព្រមានថាជារឿងមិនអាចយកជាការបាន ។ ស្របពេលជាមួយគ្នានេះក្រសួងការបរទេសអាមេរិកបានថ្លែងថា ត្រូវធ្វើការស៊ើបអង្កេតលើរឿងនេះ រួមទាំងបានក្រើនរំលឹកថារដ្ឋាភិបាលក្រុងដាម៉ាស់ និងរុស្ស៊ីត្រូវទទួលខុសត្រូវរួមគ្នា ប្រសិនបើការស៊ើបអង្កេតឃើញថាជាការវាយប្រហារដោយអាវុធគីមី ៕
ចែករំលែកព័តមាននេះ