ខេត្តក្រចេះ ៖ បុរសជាកម្មករជនជាតិខ្មែរ ឥស្លាមម្នាក់បានស្លាប់ ដោយត្រូវកៀបជាប់ជា មួយនឹងរថយន្តច្នៃដឹកដំឡូង និងពោត២គ្រឿងនៅលើទូកដចម្លង ខណៈដែលជនរងគ្រោះបានឈរនៅកណ្តាលរថយន្តទាំងពីគ្រឿង ហើយរថយន្តបានរអិលកង់បុកកៀបជាប់នៅពេលទូកដ បានបើកឆ្លងទន្លេបុកដល់មាត់ច្រាំង…
ខេត្តក្រចេះ ៖ បុរសជាកម្មករជនជាតិខ្មែរ ឥស្លាមម្នាក់បានស្លាប់ ដោយត្រូវកៀបជាប់ជា មួយនឹងរថយន្តច្នៃដឹកដំឡូង និងពោត២គ្រឿងនៅលើទូកដចម្លង ខណៈដែលជនរងគ្រោះបានឈរនៅកណ្តាលរថយន្តទាំងពីគ្រឿង ហើយរថយន្តបានរអិលកង់បុកកៀបជាប់នៅពេលទូកដ បានបើកឆ្លងទន្លេបុកដល់មាត់ច្រាំង ។ ឧប្បត្តិហេតុនេះបានកើតឡើងនៅថ្ងៃទី០៨ ខែមេសានេះ នៅលើទូកដចម្លងមួយកន្លែង ឆ្លង ពីឃុំពង្រ ស្រុកឆ្លូង ទៅឃុំកោះស៊ុយ ស្រុកព្រែកប្រសព្វ ។ ដោយបុរសរងគ្រោះជាកម្មករលី បាវពោត និងដំឡូងរបស់រថយន្តដឹកដំឡូង ។
នគរបាលឲ្យដឹងថា ថ្ងៃកើតហេតុ គឺរថយន្តច្នៃ២គ្រឿង មួយគ្រឿងដឹកពោត និងមួយគ្រឿងទៀតដឹកដំឡូងបានឆ្លងដពីឃុំកោះស៊ុយមកឃុំព្រង ដោយរថយន្តទាំង២គ្រឿង បានចតមុខ ក្រោយទន្ទឹមគ្នានៅលើទូក ។ ហើយនៅពេលទូកបានមកដល់ច្រាំង និងបានបុកច្រាំងខ្លាំង ក៏រអិលរថយន្តទាំងពីរគ្រឿងបុកកៀបបុរសជាកម្មករម្នាក់នៅឈរកណ្តាលរថយន្តទាំង២ បណ្តាលឲ្យស្លាប់ ។
នគរបាលស្រុកឆ្លូងបានឲ្យដឹងទៀតថា ភ្លាមៗបុរសជាកម្មកររងគ្រោះត្រូវបានពលរដ្ឋនាំ គ្នាគាស់ចាប់ទាញចេញបម្រុងនាំមកសង្គ្រោះ តែមិនអាចជួយទាន់នោះទេ ។
មានការកត់សម្គាល់ឃើញថា កន្លងមកឧប្បត្តិហេតុនៅតាមកំពង់ដចម្លង គឺតែងតែកើត មានជាញឹកញាប់ ដូចជា ករណីរថយន្តធ្លាក់ទឹក នៅពេលកំពុងជិះឆ្លង បណ្តាលឲ្យខូចខាត និងករណីមនុស្សធ្លាក់ពីលើកទូកដ ចូលទឹកទន្លេបណ្តាលឲ្យស្លាប់ ។
ហើយរាល់ករណីដែល កើតមានទាំងនោះភាគច្រើនបានកើតឡើងនៅលើដចម្លងរបស់ថៅកែដែលសុទ្ធសឹងជាជន ជាតិខ្មែរឥស្លាម នៅកំពង់ចម្លងក្នុងស្រុកឆ្លូង ។ រាល់ឧប្បត្តិហេតុដែលកើតមាននេះ ត្រូវបានពលរដ្ឋលើកឡើងថា បណ្តាលមកពីធ្វេសប្រហេសរបស់ម្ចាស់អាជីវកម្មដចម្លង ៕
ចែករំលែកព័តមាននេះ