ខេត្តបន្ទាយមានជ័យ ៖ ហ្វូងសត្វគ្រាល និងកុកជាច្រើនក្បាលចុះស៊ីចំណីក្នុងបឹងតូចក្បែរផ្លូវជាតិលេខ៦ជាការចាប់អារម្ភចំពោះអ្នកដំណើរសុំឱ្យចូលរួមថែរក្សាទាំងអស់គ្នា ដែលការឃើញនេះកាលពីថ្ងៃទី០៧ ខែមេសា ឆ្នាំ២០១៨ ស្ថិតភូមិ-ឃុំទឹកជោ ស្រុកព្រះនេត្រព្រះ ។
នៅពេលដែលឃើញសត្វស្លាបប្រភេទសត្វគ្រាល និងសត្វកុកមួយហ្វូងកំពុងចុះស៊ីចំណីកូនបឹងជាប់ខាងត្បូងផ្លូវជាតិលេខ៦អ្នកដំណើរតាមផ្លូវបាននិយាយថា «ការកត់សំគាល់ក្រោយពេលឃើញហ្វូងសត្វស្លាបប្រភេទសត្វគ្រាល និងសត្វកុកកំពុងស៊ីចំណីក្នុងបឹងក្បែរផ្លូវនេះជាការចាប់អារម្ភសត្វស្លាបកំពុងការពារបានហើយទើបបានជាហ្វូងសត្វហ៊ានចុះស៊ីក្បែរផ្លូវជាការទាក់ទាញអ្នកដំណើរ» ។
ពួកគាត់សំណុំពរសុំឱ្យប្រជាពលរដ្ឋនៅក្បែរតំបន់ដែលមានហ្វូងសត្វចុះស៊ីចំណីត្រូវចូលរួមថែរក្សា និងអភិរក្សទុកសម្រាប់ទាក់ទាញភ្ញៀវដែលធ្វើដំណើរឆ្លងកាត់ខេត្តបន្ទាយមានជ័យទៅខេត្តសៀមរាបបានឃើញ ៕
ចែករំលែកព័តមាននេះ