ខេត្តក្រចេះ ៖ មនុស្សចំនួន១៨នាក់ដែលសមត្ថកិច្ចជំនាញរដ្ឋបាលជលផលកំណត់អត្តសញ្ញាណថា ជាមុខសញ្ញាសកម្មក្នុងបទល្មើសនេសាទឆក់ត្រីដោយខុសច្បាប់នៅក្នុងតំបន់ហាមឃាត់នៅតាមដែនអភិរក្សអន្លង់ផ្សោត និងអន្លង់ត្រីមេពូជធំៗនៅក្នុងទន្លេមេគង្គត្រូវបានអាជ្ញាធរស្រាវជ្រាវសាវតាជាតិដាក់បញ្ជូនទៅតុលារដើម្បីមានវិធានការលើក្រុមជនទាំងនោះ ។
នាយខណ្ឌរដ្ឋបាលជលផលខេត្តលោក សៀន គិន បានបញ្ជាក់ឲ្យដឹងនៅថ្ងៃទី៨ ខែមេសា ឆ្នាំ២០១៨ នេះទៀតថា មនុស្សទាំង១៨នាក់ដែលត្រូវបានកំណត់អត្តសញ្ញាណច្បាស់ហើយក៏បានដាក់ បញ្ជូនទៅតុលាការកាលពីចុងខែមីនាដើម្បីមានវិធានការ ។ ដោយក្រុមមនុស្សទាំងនោះគឺសុទ្ធ សឹងមានទីលំនៅក្នុងស្រុកចិត្របុរី ។ លោកនាយខណ្ឌរូបនេះថា ពួកគេទាំងនោះត្រូវបាន អាជ្ញាធរភូមិ-ឃុំ និងសមត្ថកិច្ចជំនាញខណ្ឌរដ្ឋបាលជលផលកំណត់ថា ជាមុខសញ្ញាសកម្មក្នុង អំពើលួចល្មើសឆក់ត្រីនៅតំបន់ហាមឃាត់តាមដងទន្លេមេគង្គ ។
លោក សៀន គិន បានបញ្ជាក់ទៀតថា វិធានការគឺអាជ្ញាធរនិងត្រូវកោះហៅមនុស្ស ទាំង១៨នាក់ ដូចមានឈ្មោះនោះមកធ្វើការសាកសួរហើយប្រសិនបើពួកគេទទួលសារភាពនៅនឹងមុខសមត្ថកិច្ចគឺសមត្ថកិច្ចនឹងតម្រូវឲ្យពួកគេធ្វើកិច្ចសន្យាបញ្ឈប់សកម្មភាពល្មើស និងប្រគល់វត្ថុតាងបទល្មើសទាំងនោះមកអាជ្ញាធរ ។ តែប្រសិនពួកគេនៅមិនព្រមសារភាពពីទោសកំហុសតែនៅពេលសមត្ថកិច្ចឃាត់ខ្លួនបានជាមួយ និងសកម្មភាពល្មើសជាក់ស្តែងគឺនឹងមានវិធានការតាមផ្លូវច្បាប់ ៕
ចែករំលែកព័តមាននេះ