កូឡាឡាំពូរ ៖ លោកឧកញ៉ា អូស្មាន ហាស្សាន់ រដ្ឋមន្ត្រីប្រតិភូអមនាយករដ្ឋមន្ត្រី និងលោកជំទាវ រដ្ឋ ម៉ានី ឯកអគ្គរាជទូតកម្ពុជាប្រចាំនៅប្រទេសម៉ាឡេស៊ី នៅរសៀលថ្ងៃទី៥ ខែមេសា ឆ្នាំ២០១៨ បានអញ្ជើញចុះសាកសួរសុខទុក្ខ និងជួបសំណេះសំណាលជាមួយបងប្អូនប្រជាពលរដ្ឋខ្មែរអ៊ិស្លាមចំនួន៤១២នាក់ មកពីបណ្តារដ្ឋក្នុងតំបន់ផ្សេងៗគ្នា ដែលបាននិងកំពុងស្នាក់នៅរកស៊ីនៅប្រទេសម៉ាឡេស៊ី។
លោកស្រីអគ្គរាជទូតកម្ពុជា បានឱ្យដឹងថា ក្នុងនាមរដ្ឋាភិបាលកម្ពុជា នៅរង់ចាំដោះស្រាយសម្រួលនូវផលវិបាកផ្សេងៗដែលបងប្អូនជួបប្រទះ គឺព្យាយាមនៅបម្រើបងប្អូន គ្រប់ពេលវេលា។
លោកឧកញ៉ា អូស្មាន ហាស្សាន់ រដ្ឋមន្ត្រីប្រតិភូអមនាយករដ្ឋមន្ត្រីបានជម្រាបនូវបងប្អូនខ្មែរអ៊ិស្លាមពីស្ថានភាពនយោបាយ សេដ្ឋកិច្ច និងសង្គមរបស់កម្ពុជា ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី បានធ្វើឲ្យប្រទេសជាតិមានសន្តិភាព និងមានការអភិវឌ្ឍន៍ ។ ក្រោយពីបញ្ចប់ពិធីសំណេះសំណាល រួចមកលោកឧកញ៉ា ក៏បានអញ្ជើញចូលរួមពិសាអាហារសាមគ្គីជាមួយបងប្អូនខ្មែរអ៊ិស្លាម ក្នុងភាពស្និទ្ធិស្នាល់បំផុត និងឧបត្ថម្ភដល់ជនពិការ ចាស់ជរា សិស្ស ដែលគិតជាថវិកាសរុបអស់ចំនួន២,៤០០ដុល្លារផងដែរ។
តំណាងឲ្យប្រជាពលរដ្ឋ ខ្មែរអ៊ិស្លាម នៅប្រទសម៉ាឡេស៊ី ក៏បានថ្លែងអំណរអរគុណយ៉ាងជ្រាលជ្រៅចំពោះថ្នាក់ដឹកនាំ រាជរដ្ឋាភិបាលកម្ពុជា ដែលបានចុះមកសួរសុខទុក្ខដល់ប្រជាពលរដ្ឋនៅពេលនេះ។ តំណាងរូបនោះសន្យាថា នឹងបន្តបោះឆ្នោតជូនគណបក្សប្រជាជនកម្ពុជាជារៀងរហូត៕
ចែករំលែកព័តមាននេះ