ខេត្តព្រះសីហនុ ៖ ការហាត់សម និងរៀបចំផ្សេងៗទៀតទាក់ទងទៅនឹងប្រពៃណីត្រៀមអបអរសង្ក្រាន្តឆ្នាំថ្មី ប្រពៃណីជាតិ ត្រូវបានគេសង្កេតឃើញមានសភាពផុសផុល ប្រកបដោយការយកចិត្តទុកដាក់ នៅតាមឃុំនានាក្នុងស្រុកព្រៃនប់ ។
ជាក់ស្តែងនៅព្រឹកថ្ងៃទី០៨ ខែមេសា ឆ្នាំ២០១៨ នេះនៅក្នុងបរិវេនបឋមសិក្សាទួលកែវ ក្នុងឃុំទឹកល្អក ស្រុកព្រៃនប់ បានហាត់សមកម្មវិធីឈ្មោះថាទឹក(ល្អក់ សង្ក្រាន្ត) ដែលមានជាច្រើនប្រភេទ ពាក់ព័ន្ធនឹងប្រពៃណីជាតិ ដើម្បីត្រៀមទទួលឆ្នាំថ្មី ។
លោក ហាក់ សាន់ ប្រធានគណៈកម្មការរៀបចំទឹក កម្មវិធីទឹកល្អក់សង្ក្រាន្តថា សម្រាប់ថ្ងៃនេះគ្រាន់ជាការហាត់សមសិនទេ ថ្ងៃទី១២ ខែមេសា ឆ្នាំ២០១៨ ខាងមុខនេះទើបកម្មវិធីទឹកល្អកសង្ក្រាន្ត ចាប់ផ្តើមជាផ្លូវការ ដោយមានការចូលរួមពីសំណាក់ ឯកឧត្តម លោកជំទាវ អាជ្ញាធរមូលដ្ឋាន និងប្រជាពលរដ្ឋជាច្រើន ៕
ចែករំលែកព័តមាននេះ