ខេត្តកំពង់ធំ ៖ កុមារាម្នាក់បានសុំជីដូនមកផ្ទះមុន ស្រាប់តែលង់ទឹកស្លាប់យ៉ាងអាណោចអាធ័ម ហេតុការណ៍ នេះបានកើតឡើងកាលពីរសៀលថ្ងៃទី០៦ មេសា នៅត្រង់ចំណុចស្ពានអូរកញ្ចុះខាងត្បូងភូមិតាំងក្រសៅ ឃុំតាំងក្រសៅ ស្រុកប្រាសាទសំបូរ…
ខេត្តកំពង់ធំ ៖ កុមារាម្នាក់បានសុំជីដូនមកផ្ទះមុន ស្រាប់តែលង់ទឹកស្លាប់យ៉ាងអាណោចអាធ័ម ហេតុការណ៍ នេះបានកើតឡើងកាលពីរសៀលថ្ងៃទី០៦ មេសា នៅត្រង់ចំណុចស្ពានអូរកញ្ចុះខាងត្បូងភូមិតាំងក្រសៅ ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ ចម្ងាយប្រហែល១០០ម៉ែត្រ ។
ប្រភពពីសមត្ថកិច្ចឱ្យដឹងថា បើយោងតាមសាច់ញាតិប្រាប់ថា កុមារារងគ្រោះឈ្មោះ វីត ជីវ័ន្ត អាយុ៨ឆ្នាំ រស់នៅភូមិ-ឃុំកើតហេតុខាងលើ ។ ហើយមុនកើតហេតុ កុមារារងគ្រោះបានទៅតាមជីដូនទៅឯចំការស្វាយចន្ទីដែលនៅឆ្ងាយពីផ្ទះ លុះដល់ម៉ោងប្រហែល៣រសៀលក្មេងរងគ្រោះក៏សុំជីដូនមកផ្ទះមុន ឮចៅសុំដូច្នោះជីដូនក៏ឲ្យចៅមកផ្ទះមុន លុះមកដល់ចំណុចកើតហេតុខាងលើក្មេងប្រុសរងគ្រោះក៏ចុះងូចទឹកប្រឡាយលេង ស្រាប់តែលង់ទឹកស្លាប់យ៉ាងអាណោចអាធ័ម ។
ក្រោយពេលកើតហេតុសមត្ថកិច្ចបានធ្វីការពិនិត្យ រួចសន្តិដ្ឋានថា ក្មេងប្រុសរងគ្រោះពិតជាស្លាប់ដោយសារលង់ទឹកមែន ក្រោយមកក៏ប្រគល់សពឱ្យឪពុកម្ដាយចាត់ចែងធ្វើបុណ្យតាមប្រពៃណី។
ដំណឹងខាងលើនេះក៏ជាការអំពាវនាវដល់មាតាបិតា និងអាណាព្យាបាលគ្រប់រូប សូមឲ្យមានការប្រុងប្រយ័ត្នជាប់ជានិច្ចចំពោះសុវត្ថិភាពបុត្រធីតាជាទីស្រលាញ់របស់ខ្លួន កុំឲ្យមានការសោកស្តាយដូចជាករណីខាងលើនេះ។
ចែករំលែកព័តមាននេះ