ខេត្តកំពត ៖ មានករណីអគ្គិភ័យមួយបានកើតឡើងកាលពីវេលា២និង៤៥នាទីរំលងអាធ្រាត្រឈានចូលថ្ងៃទី៨ ខែមេសា ឆ្នាំ២០១៨ នៅក្នុងរោងសិប្បកម្មផលិតពូកមួយ កន្លែង ស្ថិតក្នុងភូមិទ្វីខាងជើង សង្កាត់អណ្តូងខ្មែរ ក្រុងកំពត…
ខេត្តកំពត ៖ មានករណីអគ្គិភ័យមួយបានកើតឡើងកាលពីវេលា២និង៤៥នាទីរំលងអាធ្រាត្រឈានចូលថ្ងៃទី៨ ខែមេសា ឆ្នាំ២០១៨ នៅក្នុងរោងសិប្បកម្មផលិតពូកមួយ កន្លែង ស្ថិតក្នុងភូមិទ្វីខាងជើង សង្កាត់អណ្តូងខ្មែរ ក្រុងកំពត ។ 
ប្រភពព័ត៌ពីលោកឧត្តមសេនីយ៍ទោ ម៉ៅ ចន្ទ័ធុរិទ្ធ ស្នងការខេត្តដែលចុះមកជួយអន្តរាគមន៍ផ្ទាល់ ដើម្បីពន្លត់អគ្គិភ័យនៅកន្លែងកើតហេតុបានឲ្យដឹងថា ក្រោយពីមានហេតុ ការគ្រោះអគ្គិភ័យនេះកើតឡើងភ្លាម ។ ក្រោយពីការឆេះអស់រយៈ១៥នាទីក្រោយមកកម្លាំងអន្តរាគមន៍ រថយន្តពន្លត់អគ្គិភ័យរបស់ស្នងការចំនួន៤គ្រឿងមកដល់កន្លែងកើតហេតុភ្លាម ៗបានបាញ់ទឹកនៅពេលភ្លើងកំពុងតែឆាបឆេះយ៉ាងសន្ធោសន្ធៅ ធ្វើឲ្យស្ថានការនៃការឆាបឆេះបានរលត់មួយចំហៀងឃ្លាំងប៉ែកខាងលិច ។
លោកបានបន្ត ទៀតថា ពេលអគ្គិភ័យរលត់មួយចំហៀងឃ្លាំងនោះ កម្លាំងអន្តរាគមន៍ពន្លត់អគ្គិភ័យបានជួយប្រមូល ធុងប្រេង និងធុងដាក់ជ័រសម្រាប់ផលិតពូកបានមួយចំនួនធំ និងកៅស៊ូសម្រាប់ធ្វើពូកបានជាច្រើនដុំ ដែលមិនទាន់មានតួរលេខនៅឡើយ ។ ចាប់តាំងពីម៉ោង២និង៤៥នាទីរហូតដល់ម៉ោង៦និង២៦នាទីព្រឹកនាថ្ងៃដដែលនេះ យើងប្រើប្រាស់កម្លាំងរថយន្តពន្លត់អគ្គិភ័យរបស់ស្នងការខេត្តផង និងតាមស្រុកផង មកជួយអន្តរាគមន័ពន្លត់អស់ទឹកជាង២០រថយន្ត ទើបពន្លត់បានសម្រេច៩០% ។ ហើយករណីនៃគ្រោះអគ្គិភ័យខាងលើមិនទាន់មានប្រភពព័ត៌មានច្បាស់លាស់ថា តើកើតឡើងដោយសារទុស្សេ ឬក៏ដោយបញ្ហាណាមួយនៅឡើ យ ។
ចំណែកការខូចខាតបាត់បង់សម្ភារនៅក្នុងឃ្លាំងដែលម្ចាស់ស្នាក់នៅដូចផ្ទះក្នុងកន្លែងសិប្បកម្មនេះ គេមិនទាន់ដឹងថា ខូចខាតអស់អ្វីប៉ុន្មាននោះទេ ប៉ុន្តែបើតាមពិនិត្យជាក់ស្តែងនៅពេលអគ្គិភ័យឆាបឆេះគេមិនឃើញម្ចាស់ផ្ទះយកអ្វីបាននោះទេ ពីព្រោះអគ្គិភ័យឆាបឆេះចាប់ផ្តើមខ្លាំងតែម្តង ហើយពាក់កណ្តាលអាធ្រាត្រទៀត ៕
ចែករំលែកព័តមាននេះ