ខេត្តសៀមរាប ៖ តាមសេចក្តីរាយការណ៍បឋមបានឲ្យដឹងថា កាលពីម៉ោង០៦និង០០ព្រឹកថ្ងៃទី០៦ ខែមេសា នេះដល់ម៉ោង១៥និង០០នាទីថ្ងៃទី០៦ ខែនេះបានចាត់បទល្មើសជាក់ស្ដែងមួយ នៅស្រុកជីក្រែង បានឃាត់ខ្លួនជនសង្ស័យ ឈ្មោះ រឿន គា ភេទប្រុស អាយុ៤០ឆ្នាំ ស្រុកជីក្រែង ពីបទរំលោភ សេពសន្ថវៈ ។
តាមសេចក្តីរាយការណ៍បន្តថា នៅវេលាម៉ោង៩និង០០នាទី ថ្ងៃទី០៦ ខែមេសានេះដែលមានស្ត្រី អាយុ៤០ឆ្នាំ នៅស្រុកជីក្រងបានមកប្តឹងនៅប៉ុស្តិ៍ជីក្រែង ចោទប្រកាន់លើប្អូនថ្លៃខ្លួនឈ្មោះ រឿន គា ភេទប្រុស អាយុ៤០ឆ្នាំ ថា បានរំលោភកូនស្រីគាត់ ដែលនាងមានអាយុ១៥ឆ្នាំ ។
តាមការបំភ្លឺក្មេងស្រីរងគ្រោះបានឲ្យដឹងថា កាលពីថ្ងៃទី៥ ខែមេសានេះ ខ្លួនបានមកដេកនៅផ្ទះតា មើលគាត់ព្រោះចាស់ជរា លុះដល់ម៉ោងប្រហែល៨យប់ ខ្លួនចុះមកដីដើម្បីដងទឹក ស្រាប់តែឈ្មោះ រឿន គា ដែលត្រូវជាឪពុកមា (សាច់ថ្លៃ) របស់ខ្លួនបានចាប់ដៃខ្លួនអូសយកទៅក្បែរពុំនូក ចំប៉ើងខាងក្រោយផ្ទះ រួចចាប់ស្រាតខោខ្លួន ស្រាប់តែមានភ្លើងពិលគេមក ទើបគាត់ឈប់ ។
យោងតាមចម្លើយសារភាពរបស់ជនសង្ស័យបានសារភាពថា ខ្លួនបានប្រព្រឹត្តមែន ។ ករណីនេះកំពុងរៀបចំសំណុំរឿងចាត់ការបញ្ជូនទៅតាមនីតិវិធីច្បាប់ ៕
ចែករំលែកព័តមាននេះ