ការឡើងលឿងលើស្បែករបស់ទារកទើបនឹងកើត ដោយសារតែឈាមរបស់គេមានសារធាតុ Bilirubin (សារធាតុបំពាក់ពណ៌ដល់កោសិកាគ្រាប់ឈាមក្រហម) ច្រើនពេក។ ទារកកើតមកលឿនស្បែក គឺជារឿងដែលកើតមានជាញឹកញាប់ ជាពិសេសទារកកើតមុនគភ៌៣៨សប្តាហ៍ (មិនគ្រប់ខែ) ព្រមទាំងទារកបៅដោះម្តាយមួយចំនួនដែរ ។ រឿងនេះច្រើនតែបង្កឡើងដោយថ្លើមរបស់គេមិនទាន់ធំគ្រប់គ្រាន់ក្នុងការបំបាត់ Bilirubin ពីក្នុងចរន្តឈាម ។
មន្ទីរពេទ្យភាគច្រើនមានគោលការមួយក្នុងការពិនិត្យលើទារកដែលចេញលឿងសិនមុនពេលអនុញ្ញាតឲ្យចេញទៅផ្ទះ ។ ទារកអាចនឹងត្រូវពិនិត្យរកមើលបញ្ហាលឿងស្បែកនៅចន្លោះពី៣ទៅ៧ថ្ងៃក្រោយសម្រាលរួច ព្រោះវាជាពេលវេលាដែលកម្រិត Bilirubin ឡើងខ្ពស់បំផុត ។ នៅពេលទារកចេញទៅផ្ទះមុន៧២ម៉ោង ក៏ត្រូវតែមកតាមដានសុខភាពនៅរយៈពេល២ថ្ងៃក្រោយទៀតដែរ ។
ខាងក្រោមនេះ គឺជាអាការមួយចំនួនដែលអាចបញ្ជាក់ថា ការលឿងស្បែករបស់ទារក អាចនឹងមានផលវិបាកច្រើន ហើយក៏ត្រូវទៅជួបពេទ្យដើម្បីព្យាបាលដែរ៖
•ស្បែកទារកកាន់តែ លឿងទៅៗ
•ស្បែកពោះ ដៃ ឬជើង ទៅជាលឿងដែរ
•ផ្នែក សៗរបស់ភ្នែកទៅជាលឿង
•គេស្រាប់តែឈឺ ឬពិបាកនឹងភ្ញាក់ពីគេង
•ទារកមិនឡើងទម្ងន់ ឬបៅមិនបាន
•ទារកយំខ្លាំង
•កើតជាអាការៈផ្សេងៗទៀត ដែលធ្វើឲ្យអ្នកបារម្ភ
•ភាពលឿងរបស់ស្បែកយូរជាង៣
សប្តាហ៍ ៕
ស្រង់ពីគេហទំព័រសុខភាព
ចែករំលែកព័តមាននេះ