រាជធានីភ្នំពេញ ៖ ជនជាតិចិន២នាក់ប្តីប្រពន្ធស្រវឹងស្រាបើករថយន្តបត់ចូលណាហ្គាវើរ ជ្រុលចង្កូតទៅបុកម៉ូតូខ្ទាតទៅប៉ះរថយន្តចតនៅតាមចិញ្ចើមផ្លូវ បណ្តាលឱ្យរងរបួសស្រាល និងខូចខាតរថយន្តបន្តិចបន្តួចស្រាប់តែបុរសជាជនជាតិចិនខឹងពេកដោះអាវឡើងលើដំបូលរថយន្តស្រែកឡូឡាផ្អើលគេឯង បង្កឲ្យមានការភ្ញាក់ផ្អើលកាលពីវេលាម៉ោង០១រំលងអធ្រាត្រ ឈានចូលថ្ងៃទី០៦ ខែមេសា ឆ្នាំ២០១៨…
រាជធានីភ្នំពេញ ៖ ជនជាតិចិន២នាក់ប្តីប្រពន្ធស្រវឹងស្រាបើករថយន្តបត់ចូលណាហ្គាវើរ ជ្រុលចង្កូតទៅបុកម៉ូតូខ្ទាតទៅប៉ះរថយន្តចតនៅតាមចិញ្ចើមផ្លូវ បណ្តាលឱ្យរងរបួសស្រាល និងខូចខាតរថយន្តបន្តិចបន្តួចស្រាប់តែបុរសជាជនជាតិចិនខឹងពេកដោះអាវឡើងលើដំបូលរថយន្តស្រែកឡូឡាផ្អើលគេឯង បង្កឲ្យមានការភ្ញាក់ផ្អើលកាលពីវេលាម៉ោង០១រំលងអធ្រាត្រ ឈានចូលថ្ងៃទី០៦ ខែមេសា ឆ្នាំ២០១៨ តាមបណ្ដោយផ្លូវព្រះសីហនុ កែងផ្លូវច្រកចូលណាហ្គាវើរ នៅចំណុចណាហ្គាវើរ ស្ថិតនៅក្នុងសង្កាត់ទន្លេបាសាក់ ខណ្ឌចំការមន ។
ប្រភពព័ត៌មានបានឱ្យដឹងថា មុនពេលកើតហេតុ គេបានឃើញជនជាតិចិន២នាក់ប្តីប្រពន្ធ ក្នុងស្ថានភាពស្រវឹងស្រា ហើយស្ត្រីជាប្រពន្ធជាអ្នកបើករថយន្តមួយគ្រឿងម៉ាកកាមរីបាឡែន ពណ៌ស្ករ ពាក់ផ្លាកលេខ ភ្នំពេញ ២AH-៨៦៦២ ធ្វើដំណើរតាមបណ្ដោយផ្លូវព្រះសីហនុក្នុងទិសដៅពីលិចទៅកើត ខណៈពេលមកដល់ចំណុចកើតហេតុ ក៏ស្រាប់តែរថយន្តបង្កបើកលឿនមិនបានបន្ថយល្បឿននោះទេ ក៏បួងចង្កូតបត់ស្តាំគោលបំណងបត់ចូលណាហ្គាវើរ ចៃដន្យអីជ្រុលចង្កូតទៅបុកម៉ូតូមួយគ្រឿងម៉ាកស្មាស ពណ៌ខ្មៅ ពាក់ផ្លាកលេខ ភ្នំពេញ ១Q-៤៨០៩ ដែលចតនៅតាមចិញ្ចើមផ្លូវហើយម្ចាស់ម៉ូតូជាអ្នករត់ម៉ូតូឌុបប្រចាំនៅមុខណាហ្គាវើរ បានអង្គុយនៅលើម៉ូតូបណ្តាលឱ្យរងរបួសស្រាលចំជើង ប៉ុន្តែម៉ូតូរងគ្រោះបានខ្ទាតក្បាលម៉ូតូទៅចំរថយន្តមួយគ្រឿងម៉ាកតាកូម៉ា ពណ៌ក្រហម ពាក់ផ្លាកលេខ ភ្នំពេញ ២AL-៩២៧៧ ចតនៅចិញ្ចើមផ្លូវធ្វើឲ្យបែកស្តុប និងចង្កៀង ហើយរថយន្តបង្កបានបើកចូលទៅក្នុងណាហ្គាវើរបម្រុងបើករត់គេចខ្លួនត្រូវបានក្រុមសន្តិសុខណាហ្គាវើរ រួមនិងបងប្អូនអ្នករត់រ៉ឺម៉កម៉ូតូ អ្នកបើកតាក់ស៊ី នាំគ្នាឃាត់រថយន្តបង្កធ្វើឲ្យជនជាតិចិនប្រុសស្រីនោះបានចង្អុលមុខអ្នកចោមរោមមើល និងអ្នកយកព័ត៌មាន ហើយបុរសជនជាតិចិនបានឡើងលើដំបូលរថយន្តស្រែកឡូឡារួចដោះអាវបោះចោលទៀត ។
ភ្លាមៗនោះដែរ បុរសជាជនជាតិចិនខឹងបងប្អូនប្រជាពលរដ្ឋ និងអ្នកយកព័ត៌មាននាំគ្នាចោមរោមច្រើនពេករកវាយទៀតផង ត្រូវបានអ្នកយកព័ត៌មាន និងសមត្ថកិច្ចហាមឃាត់កុំឲ្យផ្ទុះហិង្សា ទើបស្ត្រីជាប្រពន្ធជនជាតិចិនបានទាញដៃបុរសជាប្តីចុះពីលើដំបូលរថយន្តវិញ ។ ក្រោយពេលកើតហេតុ រថយន្តសង្គ្រោះបានមកដល់ដឹកយកជនរងគ្រោះយកទៅព្យាបាលនៅគ្លីនិកឯកជន ឬឯតៃកុងរថយន្តរួមនឹងរថយន្តបង្កថែមទាំងរថយន្តរងគ្រោះត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌចំការមន រង់ចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ