រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ស្ត្រីម្នាក់ស្លាប់យ៉ាងអាណោចអាធ័មបំផុត ក្រោយពីត្រូវរថយន្តកុងតឺន័រមួយគ្រឿងកិនពីក្រោយចំក្បាលធ្លាយខួរ ខណៈជិះម៉ូតូឌុបក្មួយស្រីក៏ជំពាក់ជាមួយចិញ្ចើមផ្លូវបណ្តាលឱ្យដួលម៉ូតូ កើតឡើងកាលពីវេលាម៉ោង០២ និង៥៥នាទីរសៀលថ្ងៃទី០៤ មីនា នេះ ស្ថិតតាមបណ្តោយផ្លូវអូរឌឹមកប់ស្រូវ ក្នុងភូមិស្រែតេជៈ សង្កាត់សំរោងក្រោម ខណ្ឌពោធិ៍សែនជ័យ ។
សេកចក្តីរាយការណ៍បន្តថា ស្ត្រីរងគ្រោះដែលស្លាប់ខាងលើ ឈ្មោះសឿន សុជាតិ ហៅញ៉ាញ់ អាយុ៣០
ឆ្នាំ ជាស្ត្រីមេម៉ាយកូន២ មានទីលំនៅក្នុងភូមិសុភី ឃុំវាលស្រែ ស្រុកឧត្តុង្គ ខេត្តកំពង់ស្ពឺ ជិះម៉ូតូម៉ាកហុងដា C125 ពណ៌ខ្មៅ មានពាក់ស្លាកលេខភ្នំពេញ 1FU-1971 ។ ដោយឡែក ខាងរថយន្តកុងតឺន័រ ពណ៌.សមានក្បាលពាក់ស្លាកព្រះសីហនុ 3A-2417 ហើយកន្ទុយមានស្លាកលេខព្រះសីហនុ 4A-1729 អ្នកបើកបររត់បាត់ស្រមោល ។
ប្រភពបន្តថា មុនពេលកើតហេតុ ទាំងម៉ូតូនិងរថយន្តគឺធ្វើដំណេើរស្របទិសគ្នា ពីជើងទៅត្បូង ។ លុះមកដល់ចំណុចកើតហេតុ ភាគីម៉ូតូជិះដួល ក៏ត្រូវរថយន្តកុងតឺន័របើកពីក្រោយចាប់ហ្វ្រាំងមិនទាន់ ក៏កិនចំមនុស្សតែម្តង ។ សំណាងល្អខ្លាំងណាស់ ដោយក្មេងស្រីរងគ្រោះជិះពីក្រោយ មិនមានរងគ្រោះថ្នាក់អ្វីនោះទេ ។
ចែករំលែកព័តមាននេះ