រាជធានីភ្នំពេញ ៖ សម្រាប់លោកអ្នកមានបំណងចង់ចាប់ផ្តើមមុខជំនួញដោយខ្លួនឯង ឬក៏ម្ចាស់ភោជនីយដ្ឋាននិងភេសជ្ជៈមានបំណងចង់ពង្រីកមុខរបររបស់ខ្លួននោះ ពេលនេះឱកាសពិសេសបានមកដល់ហើយជាមួយនឹងគម្រោងវិមានអាហារ (The Food Palace) នៅតំបន់ត្រើយម្ខាងនៃរាជធានីភ្នំពេញ ដែលកំពុងតែមានការអភិវឌ្ឍយ៉ាងខ្លាំងក្លាដែលនឹងចាប់ដំណើរការនាខែ តុលា ឆ្នាំ២០១៨ ខាងមុខនេះ។
ទីក្រុងរណបជ្រោយចង្វាររបស់ក្រុមហ៊ុន OCIC មានទីតាំងស្ថិតនៅភាគខាងកើតជាប់ច្រាំងទន្លេនៃរាជធានីភ្នំពេញ និងខាងឆ្វេងដៃនៃរង្វង់មូលថ្មីជ្រោយចង្វារត្រើយម្ខាងនៃស្ពានជ្រោយចង្វារ ដែលបច្ចុប្បន្នមានមហាវិថី, គម្រោងផ្ទះល្វែងអាជីវកម្ម, សួន Dinosaur Alive, ដីជួលអាជីវកម្មចម្រុះ និងសំណង់សំខាន់ជាច្រើនបានលេចចេញជារូបរាងរួចហើយនៅក្នុងទីក្រុងរណបដ៏ធំមួយនេះ ។
ជាមួយគ្នានេះទីក្រុងរណបថ្មីនឹងអភិវឌ្ឍគម្រោងមួយដែលមានឈ្មោះថា The Food Palace លើមហាវិថី OCIC លាតសន្ធឹងលើផ្ទៃដីប្រមាណជាង ៣ ហិកតាដែលមានហាងនិងរទេះសរុបប្រមាណជា ២២៥ ទីតាំងសម្រាប់ម្ចាស់អាជីវកម្ម, ភោជនីយដ្ឋាន ដែលមានបំណងពង្រីកនូវមុខរបររបស់ខ្លួននៅទីក្រុងរណបជ្រោយចង្វារ។ ជាមួយនឹងគ្រោងរបស់គម្រោងមានរចនាបទខ្មែរសុទ្ធសាធ, ទីតាំងធំទូលាយដែលអំណោយផលដល់ភ្ញៀវដោយមានចំណតឡានដល់ទៅ ៣២៤ចំណត និងចំណតម៉ូតូ ៦០៤ចំណត និងអាចទទួលភ្ញៀវបានដល់ទៅ ៨០០នាក់នោះ តម្លៃនៃការជួលទីតាំងក៏មានលក្ខណៈធូរថ្លៃទៀតផង។
ម្ចាស់គម្រោង The Food Palace បានឱ្យដឹងថាសម្រាប់តម្លៃឈ្នួលទីតាំងរទេះដែលមានទំហំទីតាំង ១.៨ ម៉ែត្រ x ១.៨ ម៉ែត្រគឺមានតម្លៃចាប់ពី ១៥៥ ដុល្លារឡើងទៅក្នុងមួយខែ និងតម្លៃឈ្នួលទីតាំងហាង ចាប់ពីតម្លៃ ២៥០ ដុល្លារឡើងទៅក្នុងមួយខែ ដែលទីតាំងហាងនីមួយៗមានទំហំ ២.៥ ម៉ែត្រ x ៣ ម៉ែត្រ ។ ម្ចាស់គម្រោងបានផ្តល់ទឹកសម្រាប់ប្រើប្រាស់ដោយឥតគិតថ្លៃ ហើយលោកអ្នកគ្រាន់តែកក់ប្រាក់សម្រាប់ការជួលប្រភេទរទេះ ៥០០ដុល្លារ និងប្រភេទហាង ១,០០០ដុល្លារ។ អ្វីដែលម្ចាស់គម្រោងផ្តល់ជូនយ៉ាងអស្ចារ្យដល់លោកអ្នកផងដែរនោះ គឺការរៀបចំតុកៅអីសាធារណៈ ក្នុងនោះផងដែរដើម្បីបង្កលក្ខណៈងាយស្រួលដល់លោក លោកស្រីដែលជាអ្នកជួលទីតាំងហាងនិងទីតាំងរទេះ គឺម្ចាស់គម្រោងនឹងផ្តល់ជូននូវម៉ូតរទេះ និងហាងជាទំហំដល់លោក លោកស្រីតែម្តង ។
កុំឲ្យឱកាសនៃការចាប់ផ្តើមជំនួញនិងមុខរបរនៅតំបន់ដែលមានសក្តានុពលសេដ្ឋកិច្ចខ្ពស់មួយនេះរំលងទៅផុតពីដៃរបស់លោក លោកស្រី អ្នកនាងកញ្ញានោះ សូមរួសរាន់ធ្វើការទំនាក់ទំនងមកកាន់ម្ចាស់គម្រោងសម្រាប់ធ្វើការកក់ហាង ឬក៏ទីតាំងរទេះតាមរយៈ៖ ទូរស័ព្ទលេខ012 555-208/089 260-706/017 229-925/070 707-558 ឬក៏លោកអ្នកអញ្ជើញចូលទៅកាន់ការិយាល័យវិមានអាហារដែលមានទីតាំងផ្ទះអាជីវកម្មនៃខុនដូរុងរឿងផ្ទះលេខ #E12 ភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ ទីក្រុងភ្នំពេញ ៕
ចែករំលែកព័តមាននេះ