រាជធានីភ្នំពេញ ៖ បុរស២នាក់បើករថយន្តដឹកឥដ្ឋចេញមកពីម្តុំវត្តនាគវ័ន្ត គោលបំណងជិះទៅកន្លែងឡឥដ្ឋនៅឧដុង្គ មកដល់ចំណុចកើតហេតុ ក៏ដាច់ការប៉ែនរថយន្តរេចង្កូតជ្រុលទៅបុកផ្លាកសញ្ញាចរាចរណ៍អស់ចំនួន២ផ្លាក និងស្លាកយីហោលក់ភេសជ្ជៈ ហេតុការណ៍នេះបានកើតឡើងកាលពីវេលាម៉ោង០៧និង៣០នាទីយប់ ថ្ងៃទី០៤ ខែមេសា…
រាជធានីភ្នំពេញ ៖ បុរស២នាក់បើករថយន្តដឹកឥដ្ឋចេញមកពីម្តុំវត្តនាគវ័ន្ត គោលបំណងជិះទៅកន្លែងឡឥដ្ឋនៅឧដុង្គ មកដល់ចំណុចកើតហេតុ ក៏ដាច់ការប៉ែនរថយន្តរេចង្កូតជ្រុលទៅបុកផ្លាកសញ្ញាចរាចរណ៍អស់ចំនួន២ផ្លាក និងស្លាកយីហោលក់ភេសជ្ជៈ ហេតុការណ៍នេះបានកើតឡើងកាលពីវេលាម៉ោង០៧និង៣០នាទីយប់ ថ្ងៃទី០៤ ខែមេសា ឆ្នាំ២០១៨ តាមបណ្ដោយផ្លូវជាតិលេខ៥ នៅចំណុចក្បែរនឹងគល់ស្ពានព្រែកភ្នៅ ស្ថិតនៅក្នុងសង្កាត់ស្វាយប៉ាក ខណ្ឌឬស្សីកែវ ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុ គេបានឃើញបុរស២នាក់បើករថយន្តធុនធំមួយគ្រឿង ពណ៌ទឹកប្រាក់លាយស្លែ ពាក់ផ្លាកលេខ ភ្នំពេញ ឃ-1166 ភព៣ ជារថយន្តដឹកឥដ្ឋធ្វើដំណើរតាមបណ្ដោយផ្លូវជាតិលេខ៥ ក្នុងទិសដៅពីត្បូងទៅជើង ខណៈពេលបើកមកដល់ចំណុចកើតហេតុខាងលើ បានរេចង្កូតទៅបុកផ្លាកសញ្ញាចរាចរណ៍អស់ចំនួន២ផ្លាក និងស្លាកយីហោលក់ភេសជ្ជៈគ្រប់ប្រភេទវៀចអស់ ព្រមទាំងក្រពឹតរបងផ្ទះរបស់ប្រជាពលរដ្ឋខូចខាតយ៉ាងដំណំ សំណាងល្អហើយដែលមិនមានអ្នកគ្រោះថ្នាក់ដល់អាយុជីវិតអ្នកដទៃ ។
បើតាមសម្ដីរបស់តៃកុងរថយន្តដឹកឥដ្ឋ សុំមិនបញ្ចេញឈ្មោះ បានឲ្យដឹងថា មុនពេលកើតហេតុ គាត់បើករថយន្តចេញមកពីម្តុំវត្តនាគវ័ន្ត គោលបំណងទៅយកឥដ្ឋនៅផ្លូវជាតិលេខ៥ក្បែរឧដុង្គ ខណៈពេលមកដល់ចំណុចកើតហេតុក៏ស្រាប់តែដាច់ការប៉ែនរថយន្ត ហើយគាត់ឃើញរថយន្តស៊េរីទំនើបនៅពីមុខគាត់ខ្លាចបុក ក៏គេចចង្កូតទៅស្តាំក៏បុកផ្លាកសញ្ញាចរាចរណ៍ និងបុកស្លាកយីហោផ្ទះលក់ដូរតែម្តង ។ ក្រោយពេលកើតហេតុ រថយន្តបង្កត្រូវបានសមត្ថកិច្ចវាស់វែងយកទៅរក្សាទុកនៅការិយាល័យចរាចរណ៍ផ្លូវគោក រង់ចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ