តូតារួមជាមួយគូស្នេហ៍ប្រើទុនច្រើនក្បែរ២០ម៉ឺនដុល្លារ
- ភ្នំពេញ
រាជធានីភ្នំពេញ ៖ កញ្ញាម៉ាក សែនសូនីតា ហៅតូតា កាន់តែបើកចំហស្នេហាជាមួយលោកនីត ជាថៅកែផលិតកម្ម «អង្គរភីកឆើ» ពិសេសរួមគ្នាបើកមុខជំនួញទៀតផង ។…
រាជធានីភ្នំពេញ ៖ កញ្ញាម៉ាក សែនសូនីតា ហៅតូតា កាន់តែបើកចំហស្នេហាជាមួយលោកនីត ជាថៅកែផលិតកម្ម «អង្គរភីកឆើ» ពិសេសរួមគ្នាបើកមុខជំនួញទៀតផង ។…
រាជធានីភ្នំពេញ ៖ កញ្ញាម៉ាក សែនសូនីតា ហៅតូតា កាន់តែបើកចំហស្នេហាជាមួយលោកនីត ជាថៅកែផលិតកម្ម «អង្គរភីកឆើ» ពិសេសរួមគ្នាបើកមុខជំនួញទៀតផង ។
កញ្ញាតូតា បានបញ្ជាក់នាឱកាសបើកសម្ពោធហាងហាង «ផែសមុទ្រ» តាមបណ្តោយមហាវិធីព្រះមុនីវង្ស រាជធានីភ្នំពេញថា «សុំមិនចង់និយាយរឿងចូលរោងការក្រៅពីអំឡុងពេលនេះរូបនាងខ្ញុំផ្ទាល់កំពុងតែមមាញឹកជាមួយការងាររកស៊ីដែលមានដំណើរការល្អ ។ ហាងរបស់នាងខ្ញុំនេះជាសាខាទី៣ ដែលទីតាំងថ្មីមួយនេះ គឺប្រើទុនច្រើនក្បែរ២០ម៉ឺនដុល្លារដែលច្រើនជាង២សាខាមុន ព្រោះនៅចំកណ្តាលក្រុង ។ ហត់នឿយជាមួយការងាររកស៊ីច្រើន ទើបនាងខ្ញុំសុំមិនទាន់និយាយអ្វីច្រើនក្នុងរឿងស្នេហា ឬដំណឹងអាពាហ៍ពិពាហ៍សុំលាក់សិន ។ មិនដែលលាក់បាំងដំណឹងស្នេហា ឬលាក់មុខបុរសក្នុងចិត្តទេ បើមិនដូចនេះនាងខ្ញុំក៏មិនអនុញ្ញាតមកឈរថតជិតគ្នាឱ្យគេស្គាល់ដែរ »។
អំឡុងងាកមកបើកជំនួញមានការពេញចិត្តពីអតិថិជននេះ តូតា ថាការងារសិល្បៈរបស់នាងប៉ះពាល់មួយចំនួនដែរ ដោយសារតែនៅមើលខុសត្រូវកន្លែងរកស៊ី ។ ពេលខ្លះនាងរត់មិនរួចទើបបង្ខំចិត្តចោលការងារសិល្បៈមួយចំនួន ។
នាឱកាសបើកសម្ពោធហាងថ្មីស្ថិតនៅតាមបណ្តោយវិថីព្រះមុនីវង្ស ក្បែរស្តុបអូរឫស្សីមានអ្នកសិល្បៈ អ្នកដឹកនាំរឿង ចាងហ្វាងផលិតកម្មមួយចំនួនចូលរួម ដូចជាអ្នកស្រីពាន់ ភួងបុប្ជា លោកអ៊ីន សុភិន អ្នកនាងយុគ ចិន្តា អ្នកស្រីសម្ជស្ស ម្តាយសារ៉ាយ សក្ខណា លោកលឹម សុសត្យា អ្នកនាងខៀវ សានសាណា កញ្ញាថន លក្ខិណា គង់ វង្សយ៉ាទី អ៊ឹន និមល អេឡិច ចិន្ត្រា និងរតនៈ ពិសិដ្ឋ ជាដើម ៕
ចែករំលែកព័តមាននេះ