ក្រោយ CR7 ប្រើក្បាច់និនចារស៊ីហ្សូ អ្នកគាំទ្រ Juventus សរសើរថាអស្ចារ្យមិនដាច់ពីមាត់
តាមប្រភពព័ត៌មាន Marca បានឲ្យដឹងថា ជើងខ្លាំងលេចមុខជាងគេក្នុងការប្រកួតរវាង Real Madrid និង Juventus បាននិយាយអរគុណដល់អ្នកគាំទ្រ Juventus…
តាមប្រភពព័ត៌មាន Marca បានឲ្យដឹងថា ជើងខ្លាំងលេចមុខជាងគេក្នុងការប្រកួតរវាង Real Madrid និង Juventus បាននិយាយអរគុណដល់អ្នកគាំទ្រ Juventus ។ Cristiano Ronaldo ដែលបានស៊ុតបាល់ស៊ីហ្សូបានរកគ្រាប់បាល់ជូនក្លិបបាន២គ្រាប់ ជាមួយនឹងលទ្ធផលរួម៣ទល់នឹង០ ។
នៅក្នុងបទសម្ភាស៍ Ronaldo បាននិយាយថា «នេះគឺជាការស៊ុតបញ្ចូលដ៏អស្ចារ្យមួយ ។ តើខ្ញុំត្រូវនិយាយម្តេចឲ្យសម? ខ្ញុំមិនបានគ្រោងថា នឹងស៊ុតបែបនេះទេ តែខ្ញុំគិតថាការប្រកួតនេះពិតជាអស្ចារ្យ ដែលយើងបាន៣គ្រាប់ឈ្នះ Juventus ដែលជាក្លិបល្បី ។ ពួកយើងលេងបានល្អ ហើយពិតណាស់គឺខ្ញុំសប្បាយចិត្តជាខ្លាំង ។ ខ្ញុំបានជួយក្រុម ជាមួយនឹងគ្រាប់បាល់២គ្រាប់» ។
នៅពេល Ronaldo ប្រើស្នៀតនិនចាររបស់ខ្លួនសម្រាប់ការស៊ុតបញ្ចូលទីជាលើកទី២ សូម្បីតែអ្នកគាំទ្រ Juventus ក៏ក្រោកឡើងស្រែកហ៊ោដែរ ។ នេះហើយទើប Ronaldo សប្បាយចិត្តជាខ្លាំង ។ Ronaldo បានបន្តថា «វាជាពេលដ៏អស្ចារ្យមួយ ។ ខ្ញុំចង់អរគុណដល់រាល់អ្នកគាំទ្រ Juventus ដែលបានធ្វើរឿងខ្ញុំមិនដែលជួបក្នុងមួយជីវិតការងាររបស់ខ្ញុំ» ៕
ចែករំលែកព័តមាននេះ