លោក ឡាយ វណ្ណៈ តម្រូវឲ្យឃុំខ្លួននៅពន្ធនាគារ PJ
- ភ្នំពេញ
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ លោក កូយ សៅ នាល្ងាចថ្ងៃទី០៣ មេសា ២០១៨ បានសម្រេចចេញដីកាឃុំខ្លួនមនុស្សនាក់ក្នុងចំណោម៦នាក់…
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ លោក កូយ សៅ នាល្ងាចថ្ងៃទី០៣ មេសា ២០១៨ បានសម្រេចចេញដីកាឃុំខ្លួនមនុស្សនាក់ក្នុងចំណោម៦នាក់…
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ លោក កូយ សៅ នាល្ងាចថ្ងៃទី០៣ មេសា ២០១៨ បានសម្រេចចេញដីកាឃុំខ្លួនមនុស្សនាក់ក្នុងចំណោម៦នាក់ ដាក់ពន្ធនាគារជាបណ្តោះអាសន្ន ពាក់ព័ន្ធទៅនឹងការស្លាប់ស្រីមេម៉ាយម្នាក់ឈ្មោះ ចេវ សុវឌ្ឍនា។ លោក លី សុផាណា អ្នកនាំពាក្យអយ្យការអមសាលាដំបូងរាជធានីភ្នំពេញ ថ្លែងថា អយ្យការបានសម្រេចបើកការស៊ើបសួរ ដោយចោទប្រកាន់ទៅលើឈ្មោះ ឡាយ វណ្ណៈ និងឈ្មោះ ឡាយ ណារិទ្ធ ពីបទ ឃាតកម្ម តាមមាត្រា១៩៩ នៃក្រមព្រហ្មទណ្ឌ។ បានចោទប្រកាន់ទៅលើឈ្មោះ ម៉េន សាម៉ៃ និងឈ្មោះ ជឹម វុធ ពីបទលាក់បាំងតម្រុយ តាមមាត្រា៥៣២ នៃក្រមព្រហ្មទណ្ឌ។ ក្នុងនោះដែរលោក ឡាយ វណ្ណៈ តម្រូវឲ្យឃុំខ្លួននៅពន្ធនាគារPJ(បន្ទប់ជាមួយលោក ញឹក ប៊ុនឆៃ) ចំណែកលោក ឡាយ ណារិទ្ធ និងឈ្មោះ ម៉េន សាម៉ៃ ឈ្មោះ ជឹម វុធ ដាក់ពន្ធនាគារព្រៃស។
ជនសង្ស័យត្រូវចោទទាំង៤នាក់គឺ លោក ឡាយ វណ្ណៈ អតីតអភិបាលខេត្តតាកែវ លោក ឡាយ ណារិទ្ធ ស្នងការរងនគរបាលខេត្តតាកែវ ត្រូវជាបងប្រុស លោក ឡាយ វណ្ណៈ ឈ្មោះ ម៉េន សាម៉ៃ អ្នកបើកបររថយន្តឲ្យលោក ឡាយ វណ្ណៈ និងឈ្មោះ ជឹម វុធ ហៅថូត ជាអ្នកបម្រើផ្ទះជនរងគ្រោះ នាង ចេវ សុវឌ្ឍនា។ រីឯពីរនាក់ទៀតត្រូវបានអនុញ្ញាតឱ្យត្រលប់ទៅផ្ទះវិញមានឈ្មោះ ឈ្មោះ ចាន់ រី ភេទស្រី ជាប្រពន្ធ(ជឹម វុធ)អ្នកបម្រើផ្ទះជនរងគ្រោះ និងឈ្មោះ តាក់ រតនា ហៅទុយ ជាអ្នកបើកឡានឱ្យលោក ឡាយ ណារិទ្ធ។ លោក ឡាយ វណ្ណៈ អាយុ៤៥ឆ្នាំ និងលោក ឡាយ ណារិទ្ធ អាយុ៤៦ឆ្នាំ ជាប់ចោទប្រកាន់ពីបទឃាតកម្ម ប្រព្រឹត្តនៅចំណុចផ្ទះជួល ភូមិផ្សារតាកោ សង្កាត់រកាក្នុង ក្រុងដូនកែវ ខេត្តតាកែវ កាលពីថ្ងៃទី២៦ ខែមករា ឆ្នាំ២០១៨ តាមមាត្រា១៩៩ នៃក្រមព្រហ្មទណ្ឌ។
ឈ្មោះ ម៉េន សាម៉ៃ ភេទប្រុស អាយុ៣៦ឆ្នាំ និងឈ្មោះ ជឹម វុធ ហៅថូត ភេទប្រុស អាយុ៤១ឆ្នាំ ជាប់ចោទប្រកាន់ពីបទលាក់បំបាំងតម្រុយ ប្រព្រឹត្តនៅចំណុចផ្ទះជួល ភូមិផ្សារតាកោ សង្កាត់រកាក្នុង ក្រុងដូនកែវ ខេត្តតាកែវ កាលពីថ្ងៃទី២៦ ខែមករា ឆ្នាំ២០១៨ តាមមាត្រា៥៣២ នៃក្រមព្រហ្មទណ្ឌ។ យោងតាមច្បាប់ក្រមព្រហ្មទណ្ឌ បានចែងថា៖ មាត្រា១៩៩ (បទឃាតកម្ម) អំពើសម្លាប់មនុស្សដោយចេតនា ដោយប្រើអាវុធ ឬមិនប្រើអាវុធ ដោយគ្មានស្ថានទម្ងន់ណាមួយដូចបានកំណត់ក្នុងមាត្រា២០០ (បទឃាតកម្មគិតទុកជាមុន) ដល់មាត្រា២០៥ (បទឃាតកម្មដោយមានទារុណកម្ម អំពើឃោរឃៅ ឬអំពើរំលោភសេពសន្ថវៈ) នៃក្រមនេះ គឺជាឃាតកម្ម។ ឃាតកម្មត្រូវផ្ដន្ទាទោសដាក់ពន្ធនាគារពី ១០(ដប់)ឆ្នាំ ទៅ១៥(ដប់ប្រាំ)ឆ្នាំ។ មាត្រា៥៣២ បទលាក់បំបាំងតម្រុយ៖ អំពើកែប្រែ លុបបំបាត់ ឬលាក់បំបាំងតម្រុយ ឬស្លាកស្នាមនៅលើទីកន្លែងនៃបទឧក្រិដ្ឋ ឬបទមជ្ឈិម ក្នុងគោលបំណងធ្វើជាឧបសគ្គដល់ការស្វែងរក ឲ្យឃើញនូវការពិត ត្រូវផ្ដន្ទាទោសដាក់ពន្ធនាគារពី ១(មួយ)ឆ្នាំ ទៅ៣(បី)ឆ្នាំ និងពិន័យជាប្រាក់ពី ២,០០០,០០០(ពីរលាន)រៀល ទៅ៦,០០០,០០០(ប្រាំមួយលាន)រៀល៕
https://youtu.be/qlzD6LZACx4
ចែករំលែកព័តមាននេះ