រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានអះអាងថា បច្ចុប្បន្ននេះកម្ពុជាគ្មានវិបត្តិនយោបាយនោះទេ ហើយការអំពាវនាវឲ្យព្រះមហាក្សត្រជួយអន្តរាគមន៍នោះ បានប៉ះពាល់ដល់តួនាទីរបស់ព្រះអង្គ ។
ការលើកឡើងបែបនេះ របស់អ្នកនាំពាក្យបក្សកាន់អំណាចនេះ បន្ទាប់ពីក្រុមអ្នកវិភាគមួយចំនួនរួមនឹងអតីតបក្សប្រឆាំងបានអំពាវនាវដល់ព្រះមហាក្សត្រព្រះបាទនរោត្តមសីហមុនីដែលព្រះអង្គទើបនឹងយាងមកដល់មាតុប្រទេសវិញ កាលពីរសៀលថ្ងៃទី០២ ខែមីនា ឆ្នាំ២០១៨ ។
លោកសុខ ឥសានបានឲ្យដឹងក៏ដូចជា ការឆ្លើយតបទៅនឹងអ្នកទាមទានៅថ្ងៃទី០៣ ខែមេសា ឆ្នាំ២០១៨ នេះ នៅក្នុងពេលមានព្រះវត្តមានរបស់ព្រះមហាក្សត្រនៅក្នុងប្រទេសបែរជាលេចចេញនូវមតិមួយចំនួន មកធ្វើការអំពាវនាវសុំព្រះរាជអន្តរាគមន៍ពីព្រះរាជតួនាទីរបស់ព្រះអង្គ ទៅលើរបស់ដែលពួកគេហៅថា ការជាប់គាំងខាងនយោបាយនៅកម្ពុជា ។ ប៉ុន្តែការអំពាវនាវសុំព្រះរាជអន្តរាគមន៍ពីព្រះមហាក្សត្រនេះត្រូវបានប្រជាជនកម្ពុជាទូទៅវាយតម្លៃថា មិនត្រឹមត្រូវ និងមិនស្របតាមស្ថានការណ៍ពិតនៃប្រទេសជាតិឡើយ ដោយសារ មិនមានវិបត្តិនយោបាយនៅកម្ពុជានោះទេ » ។
លោកបន្តថា ប្រទេសជាតិស្ថិតនៅក្នុងសន្តិភាព ស្ថិរភាពនយោបាយ និងមានសុខសុវត្ថិភាពល្អប្រសើរ ប្រជាជនរស់នៅក្នុងសភាពសប្បាយរីករាយនៅក្នុងសង្គម មានការអភិវឌ្ឍន៍រីកចម្រើនគួរជាទីកក់ក្តៅឆ្ពោះទៅរកភាពរីកចម្រើនរុងរឿង នាពេលអនាគត ។ អតីតបក្សប្រឆាំងដែលត្រូវរំលាយដោយតុលាការកំពូលដោយសារតែទង្វើ និងអំពើប្រព្រឹត្តល្មើសច្បាប់ដោយខ្លួនឯង ។
អ្នកនាំពាក្យបក្សកាន់អំណាចក៏បានលើកឡើងថា អតីតមេបក្សប្រឆាំងបានប្រព្រឹត្តអំពើសន្និដ្ឋិភាពជាមួយបរទេសប៉ុនប៉ងផ្តួលរំលំរាជរដ្ឋាភិបាលកម្ពុជាស្របច្បាប់ ដែលជាទោសក្បត់ជាតិត្រូវទទួលខុសត្រូវដោយខ្លួនឯង ។ ការរំលាយអតីតបក្សប្រឆាំង និងចាប់មេដឹកនាំបក្សប្រឆាំង គឺជាការអនុវត្តច្បាប់ ដើម្បីពង្រឹងលទ្ធិប្រជាធិបតេយ្យ និងនីតីរដ្ឋនៅកម្ពុជាស្របតាមស្មារតីនៃកិច្ចព្រមព្រៀងទីក្រុងប៉ារីសថ្ងៃទី២៣ ខែតុលា ឆ្នាំ១៩៩១ ។ ដូច្នេះនៅកម្ពុជាគ្មានវិបត្តិនយោបាយអ្វីទេ ។ ការអំពាវនាវសុំព្រះរាជអន្តរាគមន៍ពីព្រះមហាក្សត្រ ដោយខុសទំនង គឺជាការរំខានដល់ព្រះរាជតួនាទីរបស់ព្រះមហាក្សត្រទៅវិញទេ ។
សូមជម្រាបថា ព្រះមហាក្សត្រព្រះបាទនរោត្តមសីហមុនីបានយាងមកដល់កម្ពុជាវិញ ហើយនៅរសៀលថ្ងៃទី០២ មេសា ដោយមានការទៅដង្ហែពីសំណាក់ ថ្នាក់ដឹកនាំនៃរបបក្រុងភ្នំពេញនៅអាកាសយានដ្ឋាន អន្តរជាតិភ្នំពេញ ។ ដំណើរយាងទៅពិនិត្យ ព្រះរាជសុខភាពរបស់ព្រះអង្គ និងយាងត្រឡប់មកវិញនៅពេលនេះ គឺស្របពេល ដែលអ្នកនយោបាយបក្សកាន់អំណាច និងបក្សប្រឆាំងមិនទាន់អាចរកដំណោះស្រាយណាមួយបាននៅឡើយ ។
ក្រុមអ្នកវិភាគត្រូវបានវិទ្យុអាស៊ីសេរីថា អន្តរាគមន៍របស់ព្រះអង្គក្នុងវិបត្តិនយោបាយ គឺជារឿងដ៏ចាំបាច់មិនអាច ខ្វះបាន ដើម្បីស្វែងរកឯកភាពជាតិ ។
ដំណើរយាងត្រឡប់មកវិញរបស់ព្រះមហាក្សត្រ និងសម្ដេចម៉ែមុនីនាថសីហនុនាពេលនេះ គឺបន្ទាប់ពីព្រះអង្គ បានគង់នៅប្រទេសចិនអស់រយៈពេលជាង១ខែមកហើយ ដើម្បីពិនិត្យព្រះរាជសុខភាព ប៉ុន្តែបើតាមការវិភាគរបស់ ។
អ្នកជំនាញវិញដំណើរយាងទៅប្រទេសចិនលើកនេះ ដោយសារទ្រង់មិនសព្វព្រះរាជហឫទ័យក្នុងការឡាយ ព្រះហស្ថលេខាលើ វិសោធនកម្មរដ្ឋធម្មនុញ្ញ និងក្រមព្រហ្មទណ្ឌដែលរដ្ឋសភាបានអនុម័ត កាលពេលកមន្លងមក ។
លោក ហង្ស វិទូអ្នកវិភាគនយោបាយវ័យក្មេងត្រូវវិទ្យុអាស៊ីសេរីស្រង់សម្តីថា វត្តមានរបស់អង្គព្រះមហាក្សត្រនៅ ពេលនេះ គឺជាការចាំបាច់ ដើម្បីឱ្យអ្នកនយោបាយ គូបដិបក្ខ គឺបក្សប្រជាជនកម្ពុជា និងបក្សសង្គ្រោះជាតិ វិល មករកតុចរចាសាជាថ្មី ។ លោកថា នៅក្នុងកាលៈទេសៈនយោបាយជាប់គាំងបែបនេះ ព្រះមហាក្សត្រទ្រង់គួរ កោះហៅ អ្នកនយោបាយឱ្យមកជួបជជែកគ្នា ដើម្បីរកដំណោះស្រាយបញ្ចប់ទំនាស់នយោបាយដែលរ៉ាំរ៉ៃមក ហើយនោះឱ្យផុតរលត់ត្រឹមនេះ ដើម្បីមានឱកាសជជែកពីរឿងរួមគ្នា កសាងជាតិមួយរឹងមាំឡើងវិញ ៕
ចែករំលែកព័តមាននេះ