ទីក្រុងហាណូយ ៖ គណៈកម្មាធិការអឺរ៉ុប (EC) បានសម្រេចចិត្តថា នឹងចាប់ផ្តើមស៊ើបអង្កេតលើការនាំចូលផលិតផលដែកថែបចំនួន២៦ប្រភេទ ។ រីឯដែកថែបដែលនាំចូលពីប្រទេសវៀតណាម ក៏នឹងស្ថិតនៅក្រោមការស៊ើបអង្កេតនេះដែរ ។…
ទីក្រុងហាណូយ ៖ គណៈកម្មាធិការអឺរ៉ុប (EC) បានសម្រេចចិត្តថា នឹងចាប់ផ្តើមស៊ើបអង្កេតលើការនាំចូលផលិតផលដែកថែបចំនួន២៦ប្រភេទ ។ រីឯដែកថែបដែលនាំចូលពីប្រទេសវៀតណាម ក៏នឹងស្ថិតនៅក្រោមការស៊ើបអង្កេតនេះដែរ ។
ក្រសួងឧស្សាហកម្ម និងពាណិជ្ជកម្មវៀតណាមបាននិយាយកាលពីថ្ងៃសុក្រថា ការស៊ើបអង្កេតនេះធ្វើឡើង ព្រោះតែការនាំចូលផលិតផលដែកថែបមួយចំនួនបានកើនឡើងយ៉ាងខ្លាំង ដែលចាំបាច់ត្រូវចេញវិធានការការពារ ។
គណៈកម្មាធិការនេះបានទទួលព័ត៌មានថា ការនាំចូលផលិតផលទាំងនេះកើនឡើងពី១៧,៨លានតោន មកស្មើ២៩,៣លានតោនឯណោះក្នុងអំឡុងពីឆ្នាំ២០១៣ ដល់២០១៧។
ការនាំចូលផលិតផលទាំងនេះកើនឡើងប្រមាណ៦៥% ពីរវាងឆ្នាំ២០១៣ ដល់២០១៦ផងដែរ ។ កំណើនខ្លាំងជាងគេ គឺក្នុងឆ្នាំ២០១៥ និងជាពិសេស ឆ្នាំ២០១៦ ពេលដែលវាកើនដល់២៨,៦លានតោន ។
កំណើននៃការនាំចូលនេះ បង្កឡើងដោយសារការផ្លាស់ប្តូរដែលមិនបានគិតទុកដូចជា ផលិតកម្មដែកថែបលើសលប់ និងវិធានការពាណិជ្ជកម្មរបស់ប្រទេសកំពុងអភិវឌ្ឍន៍មួយចំនួន ក្នុងរយៈពេលប៉ុន្មានឆ្នាំកន្លងមក ។
ការស៊ើបអង្កេតនឹងមើលទៅលើថា តើការនាំចូលផលិតផលទាំងនេះក្នុងបរិមាណ និងក្រោមលក្ខខណ្ឌនេះ នឹងបង្កឲ្យមានផលប៉ះពាល់ធ្ងន់ធ្ងរដល់អ្នកផលិតសហជីព ឬប៉ះពាល់ដល់ផលិតផលដែលកំពុងប្រកួតប្រជែងដែរឬទេ ។
លទ្ធផលនៃការស៊ើបអង្កេតនេះអាចនឹងនាំឲ្យមានការដាក់ពន្ធថ្មី ឬការអនុម័តកូតា ដើម្បីការពារក្រុមហ៊ុនផលិតនៅសហភាពអឺរ៉ុប ហើយការស៊ើបអង្កេតនឹងអនុវត្តក្នុងរយៈពេល៩ខែ ៕
ចែករំលែកព័តមាននេះ