រាជធានីភ្នំពេញ ៖ អ្នកនាំពាក្យរដ្ឋសភា លោកឡេង ប៉េងឡុង បានឲ្យដឹងថា រដ្ឋសភាបានកំណត់ថ្ងៃទី៩ ខែមេសាឆ្នាំ២០១៨ ខាងមុខនេះ ដើម្បីបើកកិច្ចប្រជុំពេញអង្គរដ្ឋសភាជ្រើសរើសសមាជិកព្រឹទ្ធសភាចំនួន០២រូប…
រាជធានីភ្នំពេញ ៖ អ្នកនាំពាក្យរដ្ឋសភា លោកឡេង ប៉េងឡុង បានឲ្យដឹងថា រដ្ឋសភាបានកំណត់ថ្ងៃទី៩ ខែមេសាឆ្នាំ២០១៨ ខាងមុខនេះ ដើម្បីបើកកិច្ចប្រជុំពេញអង្គរដ្ឋសភាជ្រើសរើសសមាជិកព្រឹទ្ធសភាចំនួន០២រូប ព្រមទាំងរបៀបវារៈមួយចំនួន ។
លោកឡេង ប៉េងឡុងបានឲ្យដឹងក្រោយកិច្ចប្រជុំគណៈកម្មាធិការអចិន្ត្រៃយ៍រដ្ឋសភានាព្រឹកថ្ងៃទី០៣ ខែមេសា ឆ្នាំ២០១៨ ក្រោមអធិបតីភាពសម្តេច ហេង សំរិន ប្រធានរដ្ឋសភាបានពិភាក្សាលើរបៀបវារៈដូចដូចជា ៖ ទី១- អង្គប្រជុំបានអនុម័តទទួលយកបេក្ខជន ចំនួន២រូបដែលមានលក្ខណៈសម្បត្តិគ្រប់ល័ក្ខខ័ណ្ឌក្នុងចំណោមបេក្ខជនចំនួន១២រូប ដែលបានដាក់ពាក្យឈរឈ្មោះជាសមាជិកព្រឹទ្ធសភា នីតិកាលទី៤ ដើម្បីដាក់ជូនសម័យប្រជុំរដ្ឋស ភា នាពេលខាងមុខ បោះឆ្នោតជ្រើសតាំង ។ ២- អង្គប្រជុំបានអនុម័តលើរបាយការណ៍ស្តីពីសកម្មភាព របស់រដ្ឋសភាចន្លោះសម័យប្រជុំរដ្ឋសភាលើកទី៩ និងលើកទី១០ នីតិកាលទី៥ ។ ៣ – អង្គប្រជុំបានអនុម័តសមាសភាពលេខាធិការសម័យប្រជុំរដ្ឋសភាលើកទី១០ នីតិកាលទី៥ ចំនួន៣រូបមាន ៖ – លោក នឹម ច័ន្ទតារា – លោកស្រី នួម សុភ័ណ – លោក ប៉ុន ណារ៉ែន – អង្គប្រជុំបានអនុម័តកំណត់កាលបរិច្ឆេទបើកសម័យប្រជុំរដ្ឋសភាលើកទី១០ នីតិកាលទី៥ នៅព្រឹកថ្ងៃទី៩ ខែមេសា ឆ្នាំ២០១៨ ។
លោកបន្ត ដោយមានរបៀបវារៈសម័យប្រជុំពេញអង្គរដ្ឋសភានៅថ្ងៃទី០៩ ខែមេសា ឆ្នាំ២០១៩ មាន ៖ ១ – ព្រះរាជសារ ព្រះករុណាព្រះបាទសម្តេចព្រះបរមនាថនរោត្តម សីហមុនីព្រះមហាក្សត្រនៃព្រះរាជាណាចក្រកម្ពុជា ។ ២ – របាយការណ៍ស្តីពីសកម្មភាពរបស់រដ្ឋសភាចន្លោះសម័យប្រជុំរដ្ឋសភាលើកទី៩ និងលើកទី១០ នីតិកាលទី៥ ។ ៣- ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ ចំនួន២រូប ។ ៤ – ការពិភាក្សា និងអនុម័តសេច ក្តីព្រាងច្បាប់ស្តីពីអាជ្ញាបណ្ណបញ្ជាសម្រាប់សុខភាពសាធារណៈ ។
ទាក់ទិននឹងការទទួលពាក្យបេក្ខជនសមាជិកព្រឹទ្ធសភាវិញ លោកឡេង ប៉េងឡុងមិនបានបង្ហាញឈ្មោះ បេក្ខជននោះទេ ប៉ុន្តែលោកបានឲ្យដឹងថា ចាប់ពីប្រកាសទទួលពាក្យរហូតដល់ថ្ងៃបិទការទទួលមានចំនួន១៦រូប តែពេលក្រោយមានចំនួន៤រូប បានដកពាក្យទៅវិញ ។
លោកបញ្ជាក់ថា «តាមការពិនិត្យមានបេក្ខជនតែពីរ រូបប៉ុណ្ណោះដែលបានបំពេញគ្រប់ល័ក្ខខ័ណ្ឌ ។ អីញ្ចឹងបានអចិន្ត្រៃយ៍បានជ្រើសរើសបេក្ខជនតែពីររូប » ។
លោកបន្ថែមជា អុ្នកបេក្ខជននោះមិនបានមកពីគណបក្សនយោបាយណានោះទេ គឺឲ្យតែពលរដ្ឋដែលមានអាយុគ្រប់មានអត្ថសញ្ញាណប័ណ្ណ មានសិទ្ធិបោះឆ្នោតមានលិខិតថ្កោលទោស…អាចដាក់ពាក្យ ។ លោកបញ្ជាក់ថា « អីិញ្ចឹងហើយទទួលពាក្យមិនប្រកាន់មកពីគណបក្សនយោបាយណាទេ ។ យើងមិនគិតពីគណបក្សណាទេ ឲ្យតែគ្រប់លក្ខខណ្ឌ យើង ទទួល » ។
បើតាមការឲ្យដឹងពីមន្ត្រីជាន់ខ្ពស់គណបក្សហ្វ៊ុនស៊ិនប៉ិចមួយរូប សូមមិនបញ្ចេញឈ្មោះបានឲ្យដឹងថា គណបក្សហ្វ៊ុនស៊ុនប៉ិចបានបញ្ចូនឈ្មោះ បេក្ខជនចំនួនពីររូបធ្វើជាសមាជិកព្រឹទ្ធសភា ៕
ចែករំលែកព័តមាននេះ