រាជធានីភ្នំពេញ ៖ បើសេចក្តីរាយការណ៍បឋមបានឱ្យដឹងថា មុននេះ សមត្ថកិច្ចបានឃាត់ខ្លួនមេការសិប្បកម្មផលិតទឹកកកដែលបានប្រើអំពើហិង្សាវាយទៅលើស្ត្រីជាកម្មករម្នាក់អស់៣ដៃ បណ្តាលឱ្យរបួសបែកចិញ្ចើមហូរឈាមកក្លាក់ ។ ការឃាត់ខ្លួននេះប្រព្រឹត្តិទៅនៅវេលាម៉ោងជាង១០ព្រឹក ថ្ងៃទី០៣ ខែមេសា…
រាជធានីភ្នំពេញ ៖ បើសេចក្តីរាយការណ៍បឋមបានឱ្យដឹងថា មុននេះ សមត្ថកិច្ចបានឃាត់ខ្លួនមេការសិប្បកម្មផលិតទឹកកកដែលបានប្រើអំពើហិង្សាវាយទៅលើស្ត្រីជាកម្មករម្នាក់អស់៣ដៃ បណ្តាលឱ្យរបួសបែកចិញ្ចើមហូរឈាមកក្លាក់ ។ ការឃាត់ខ្លួននេះប្រព្រឹត្តិទៅនៅវេលាម៉ោងជាង១០ព្រឹក ថ្ងៃទី០៣ ខែមេសា ឆ្នាំ២០១៨ ស្ថិតនៅសិប្បកម្មផលិតទឹកកកអនាម័យ ក្នុងភូមិសំបួរ សង្កាត់ដង្កោ ខណ្ឌដង្កោ។
សេចក្តីរាយការណ៍បន្តទៀតថា បុរសខាងលើនេះមានឈ្មោះ បុង សៅ អាយុ៣០ឆ្នាំ មុខរបរជាមេកានៅរោងចក្រផលិតទឹកកក មានស្រុកកំណើតនៅភូមិត្រពាំងពិការ ឃុំអំពិល ស្រុករមាសហែក ខេត្តស្វាយរៀង ។ ចំណែកស្ត្រីរងគ្រោះឈ្មោះ ទ រ អាយុ៣៧ឆ្នាំ មុខរបរកម្មករសិប្បកម្មផលិតទឹកកកអនាម័យ ស្នាក់នៅក្នុងភូមិសំបួរ សង្កាត់ដង្កោ ខណ្ឌដង្កោុ។
ក្រោយពេលឃាត់ខ្លួនមកសាកសួរបុរសជាមេការខាងលើនេះបានឆ្លើយសារភាពនៅចំពោះមុខសមត្ថកិច្ចថា មូលហេតុដែលគាត់វាយទៅលើស្ត្រីរងគ្រោះ គឺមកស្ត្រីរូបនោះនៅពេលដែលគាត់ប្រើឱ្យធ្វើការ តែស្ត្រីរងគ្រោះមិនព្រមធ្វើ ដល់ពេលគាត់មាត់ធ្ងន់ទៅ ស្រាប់តែស្ត្រីនោះជេរម្តាយគាត់ ថែមទាំងជេរម្រាយគាត់ទៀត ទើបធ្វើឱ្យគាត់ខឹងទប់កំហឹងមិនបានក៏វាយស្ត្រីរងគ្រោះ៣ដៃតែម្តងទៅ ។
ខណៈពេលនេះសមត្ថកិច្ចកំពុងតែកសាងសំណុំរឿងបញ្ជូនទៅតុលាការ ដើម្បីចាត់ការតាមច្បាប់ ។ ហើយស្ត្រីរងគ្រោះបានទាមទារសំណងពីបុរសជាមេការចំនួន៥០០ដុល្លារ ប៉ុន្តែករណីខាងលើនេះសមត្ថកិច្ចមិនបានដោះស្រាយទេ គឺបញ្ជូនទៅតុលាការចាត់ការតាមច្បាប់ ។
គួររំលឹកថា
https://kohsantepheapdaily.com.kh/article/618207.html
ចែករំលែកព័តមាននេះ