ខេត្តកណ្ដាល ៖ ទំនាស់ពេលរាំក្នុងពីធីមង្គលការមួយ បង្កគប់កែបចូលក្នុងវង់ ត្រូវចំក្បាលបង្កជាទំនាស់កាន់តែធំ បុរសម្នាក់បានទៅយកកន្ត្រៃចាក់ទៅលើយុវជនម្នាក់ធ្លាយពោះរងរបួសធ្ងន់ធ្ងរ កាលពីម៉ោង០៩យប់ ថ្ងៃទី០២ ខែមេសា ឆ្នាំ២០១៨…
ខេត្តកណ្ដាល ៖ ទំនាស់ពេលរាំក្នុងពីធីមង្គលការមួយ បង្កគប់កែបចូលក្នុងវង់ ត្រូវចំក្បាលបង្កជាទំនាស់កាន់តែធំ បុរសម្នាក់បានទៅយកកន្ត្រៃចាក់ទៅលើយុវជនម្នាក់ធ្លាយពោះរងរបួសធ្ងន់ធ្ងរ កាលពីម៉ោង០៩យប់ ថ្ងៃទី០២ ខែមេសា ឆ្នាំ២០១៨ នៅចំណុចរោងការកូនរបស់ឈ្មោះ គង់ គិត ស្ថិតក្នុងភូមិព្រែកតាឯក ឃុំតាលន់ ស្រុកស្អាង ខេត្តកណ្តាល ។
មន្ត្រីនគរបាលស្រុកស្អាង បានឱ្យដឹងថា ជនសង្ស័យត្រូវបាននគរបាលចាប់ខ្លួនឈ្មោះ ចាន់ ប៊ុនធឿន ភេទប្រុស អាយុ៤៨ឆ្នាំ ជនជាតិខ្មែរ មុខរបរកសិករ ទីលំនៅភូមិព្រែកតាឯក ឃុំតាលន់ ស្រុកស្អាង ខេត្តកណ្តាល ។ ចំណែកជនរងគ្រោះជនរងគ្រោះ ១.ឈ្មោះ ក្លូ កយ ភេទប្រុស អាយុ២៨ឆ្នាំ ជនជាតិខ្មែរ មុខរបរជាងកាត់សក់ ទីលំនៅភូមិវាលត្រែង ឃុំតាលន់ ស្រុកស្អាង ខេត្តកណ្តាល ។ មានស្នាមមុតលើដៃខាងស្ដាំចំនួន២កន្លែង និងមុតលើពោះខាងឆ្វេងចំនួន១កន្លែង ត្រូវបានបញ្ជូនទៅព្យាបាលនៅពេទ្យព្រះកុសុមៈ រាជធានីភ្នំពេញ ។ ២.ឈ្មោះ ហៀង រស្មី ភេទប្រុស អាយុ២៣ឆ្នាំ ជនជាតិខ្មែរ មុខរបរកសិករ មានទីលំនៅភូមិទួលក្ដី ឃុំត្រើយស្លា ស្រុកស្អាង ខេត្រកណ្ដា ។ មានស្នាមមុតថ្ងាស់ក្បាលចំនួន២កន្លែង ព្យាបាលនៅពេទ្យឃុំតាលន់ ។
នគរបាលបានឱ្យដឹងបន្ថែមថា នៅវេលាកើតហេតុខាងលើ មានកម្មវិធីមង្គលការកូនរបស់ឈ្មោះ គង់ គិត ហើយភ្ញៀវប្រុសស្រីបានរាំកម្សាន្ដមុខឆាកតន្ដ្រី (អកកាដង់) ពេលជាមួយគ្នានោះមានជនមិនស្គាល់អត្តសញ្ញាណបានគប់កែវ បណ្ដាលឲ្យឈ្មោះ ហៀង រស្មី មុតថ្ងាស ក្បាលចំនួន២កន្លែង មនុស្សក៏បានផ្អើលឆោឡោឡើង ។ ភ្លាមនោះឈ្មោះ ភិន ឃុន បានសួរថា អ្នកណាគប់ៗ ត្រូវឈ្មោះ រស្មី ពេលជាមួយគ្នា នោះមានឈ្មោះ ចាន់ ប៊ុនធឿន កាន់កន្ដ្រៃចំនួន១ចាក់ បណ្ដាលឲ្យមុតចំ.ពោះខាងឆ្វេងឈ្មោះ ភិន ឃុន (ស្រាល) ភ្លាមនោះមានឈ្មោះ ក្លូ កយ ចូលឃាត់ និងបានប្រតាយប្រតបគ្នាជាមួយឈ្មោះ ចាន់ ប៊ុនធឿន ឈ្មោះចាន់ ប៊ុនធឿន បានយកកន្ដ្រៃចាក់ឈ្មោះ ក្លូ កយ បណ្ដាលឲ្យ មុតដៃខាងស្ដាំចំនួន២កន្លែង និងមុតពោះខាងឆ្វេងចំនួន១កន្លែង ឃើញដូច្នេះមានឈ្មោះ ម៉ៅ ម៉ៃ (ត្រូវជាបងជីដូនមួយឈ្មោះ កយ បានឃាត់ឈ្មោះ ចាន់ ប៊ុនធឿន (ទុក) ដោយយកឈ្មោះ ក្លូ កយ ចេញពីរោងការ ។
ពេលទទួលបានព័ត៌មានខាងលើ សមត្ថកិច្ចនគរបាលប៉ុស្តិ៍តាលន់ បានអន្តរាគមន៍ដល់កន្លែងកើតហេតុ រួចធ្វើការឃាត់ខ្លួនឈ្មោះ ចាន់ ប៊ុនធឿន មកប៉ុស្ដិ៍រដ្ឋបាលដើម្បីធ្វើការសាកសួរ ។ ចំណែកជនរងគ្រោះឈ្មោះ ក្លូ កយ បានសង្គ្រោះបន្ទាន់ទៅ មន្ទីរពេទ្យព្រះកុសុមៈ រាជធានាភ្នំពេញ ។ បច្ចុប្បន្ន ជនសង្ស័យបានឃាត់ខ្លួននៅអធិការដ្ឋាននគរបាលស្រុកស្អាង ដើម្បីបន្ដអនុវត្តតាមនីតិវីធី ៕
ចែករំលែកព័តមាននេះ