ពិតជាត្រេកអរដល់ក្មួយៗកុមារកំព្រា កុមារពិការភ្នែក និងកុមារគរថ្លង់
- ភ្នំពេញ
រាជធានីភ្នំពេញ ៖ អំណោយរបស់លោក ហ៊ុន ម៉ាណែត និងលោកស្រី ពេជ ចន្ទមុន្នី ដែលមានសម្លៀកបំពាក់ និងខ្នើយត្រូវបានប្រគល់ជូនដល់អង្គការចំនួន០៣ដូចខាងក្រោម…
រាជធានីភ្នំពេញ ៖ អំណោយរបស់លោក ហ៊ុន ម៉ាណែត និងលោកស្រី ពេជ ចន្ទមុន្នី ដែលមានសម្លៀកបំពាក់ និងខ្នើយត្រូវបានប្រគល់ជូនដល់អង្គការចំនួន០៣ដូចខាងក្រោម…
រាជធានីភ្នំពេញ ៖ អំណោយរបស់លោក ហ៊ុន ម៉ាណែត និងលោកស្រី ពេជ ចន្ទមុន្នី ដែលមានសម្លៀកបំពាក់ និងខ្នើយត្រូវបានប្រគល់ជូនដល់អង្គការចំនួន០៣ដូចខាងក្រោម រួមមានអង្គការមូនិធិកុមារកម្ពុជា(CCF) សម្លៀកបំពាក់ចំនួន២៥០ឈុត និងខ្នើយចំនួន៥០០ សាលាកុមារពិការភ្នែក និងគរថ្លង់ភ្នំពេញថ្មី សម្លៀកបំពាក់ចំនួន២០០ឈុត ខ្នើយចំនួន៣០០ និងអង្គការអារុណរះ(Sunrise)សម្លៀកបំពាក់ចំនួន២០០ឈុត និងខ្នើយចំនួន៣០០ ។
លោក ហ៊ុន ម៉ាណែត ធ្លាប់បានបញ្ជាក់ថា សមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) មិនត្រឹមតែផ្តល់ការព្យាបាលដោយមិនគិតថ្លៃ ចំពោះប្រជាពលរដ្ឋប៉ុណ្ណោះទេ TYDA គឺបានជួយសង្គ្រោះជីវិតមនុស្សជាច្រើនឲ្យរួចផុតពីការស្លាប់ និងជួយផ្តល់ក្តីសង្ឃឹមថ្មី សុភមង្គលដល់អ្នកជំងឺ និងក្រុមគ្រួសារ នេះគឺជាជោគជ័យរបស់យើង ។
ជាក់ស្តែងការផ្តល់អំណោយរួមមានសម្លៀកបំពាក់ និងខ្នើយដល់ក្មួយនៅក្នុងអង្គការទាំងនេះ គឺជាការគិតគូរយកចិត្តទុកដាក់ចំពោះសុខទុក្ខ និងការរស់នៅរបស់ក្មួយៗ ដើម្បីផ្តល់ស្នាមញញឹម និងភាពកក់ក្តៅដល់ពួកគេ ។ គណៈគ្រប់គ្រងលោកគ្រូ អ្នកគ្រូ ក្មួយៗនៃអង្គការទាំង៣សូមគោរពថ្លែងអំណរគុណយ៉ាងជ្រាលជ្រៅ ចំពោះសម្តេចតេជោហ៊ុន សែន និងសម្តេចកិត្តិព្រឹទ្ធបណ្ឌិតតាមរយៈលោក ហ៊ុន ម៉ាណែត និងលោកស្រី ពេជ ចន្ទមុន្នីដែលតែងតែគិតគូរយកចិត្តទុកដាក់ចំពោះសុខទុក្ខ និងសុខមាលភាពរបស់ក្មួយៗ និងបុគ្គលិកនៅក្នុងអង្គការនេះ ។
សូមបញ្ជាក់ថា ក្រៅពីការព្យាបាលប្រជាពលរដ្ឋដោយឥតគិតថ្លៃនៅតាមបណ្តាខេត្តនានា និងការព្យាបាលកម្មករ- កម្មការិនីដោយឥតគិតថ្លៃតាមបណ្តារោងចក្រ TYDAបានចុះអប់រំសុខភាព និងពិនិត្យជំងឺមាត់ធ្មេញដល់ក្មួយៗកុមារកំព្រា កុមារពិការភ្នែក និងកុមារគរថ្លង់ រួមទាំងការយកចិត្តទុកដាក់ផ្សេងៗជាច្រើនទៀត នាពេលកន្លងមក ៕
ចែករំលែកព័តមាននេះ