អំណោយរទេះជនពិការជូនដល់ពលរដ្ឋជនពិការមកពី២ភូមិក្នុងស្រុកជីក្រែង
- សៀមរាប
ខេត្តសៀមរាប ៖ លោកស្រី គួយ ណាលីន ឃឹម ប៊ុនសុង អនុប្រធានគណៈកម្មាធិការសាខាកាកបាទក្រហមកម្ពុជាខេត្ត និងសហការី បាននាំយករទេះជនពិការដែលជាអំណោយរបស់…
ខេត្តសៀមរាប ៖ លោកស្រី គួយ ណាលីន ឃឹម ប៊ុនសុង អនុប្រធានគណៈកម្មាធិការសាខាកាកបាទក្រហមកម្ពុជាខេត្ត និងសហការី បាននាំយករទេះជនពិការដែលជាអំណោយរបស់…
ខេត្តសៀមរាប ៖ លោកស្រី គួយ ណាលីន ឃឹម ប៊ុនសុង អនុប្រធានគណៈកម្មាធិការសាខាកាកបាទក្រហមកម្ពុជាខេត្ត និងសហការី បាននាំយករទេះជនពិការដែលជាអំណោយរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ទៅប្រគល់ជូនដល់ប្រជាពលរដ្ឋជាជនពិការ ដោយជំងឺចំនួន២គ្រួសារ មកពី២ភូមិ នាថ្ងៃទី០២ ខែមេសា ឆ្នាំ២០១៨ ស្ថិតនៅភូមិថ្នល់ដាច់ និងភូមិដំរីឆ្លង ឃុំសង្វើយ ស្រុកជីក្រែង ខេត្តសៀមរាប ។
តាមរបាយការណ៍របស់ លោក ស៊ុំ សំអន នាយកប្រតិបត្តិសាខាកាកបាទក្រហមកម្ពុជាខេត្ត បានបញ្ជាក់ថា រទេះជនពិការទាំងពីរគ្រឿងនេះ ១គ្រឿងត្រូវបានប្រគល់ទៅឲ្យប្អូនស្រី ស៊ុត លឹះ អាយុ៤២ឆ្នាំ មានមុខរបរកសិករ ដែលមានជំងឺរ៉ាំរ៉ៃពិការជើងទាំងពីរ មានរយៈពេល៥ឆ្នាំមកហើយ ស្ថិតនៅភូមិ ថ្នល់ដាច់ ឃុំសង្វើយ ស្រុកជីក្រែង និងមានកូន៦នាក់នៅក្នុងបន្ទុក ហើយប្តីក៏មានជំងឺភ្នែកមើលមិនសូវឃើញ ។ ហើយប្អូនស្រីបានខិតខំត្បាញកន្ទេលស្លឹករំចេក ដើម្បីលក់បានថវិកាក្នុងការផ្គត់ផ្គង់ជីវភាពគ្រួសារ និងកូនៗបានទៅសិក្សារៀនសូត្រទៀតផង ។ ចំណែករទេះ១គ្រឿងទៀត ត្រូវបានប្រគល់ជូនអ្នកមីង អឿ មុំ អាយុ៥៨ឆ្នាំ មានមុខរបរនៅផ្ទះមានជំងឺរ៉ាំរ៉ៃទន់ដៃជើង ដើរមិនរួចស្ថិតនៅភូមិដំរីឆ្លង ឃុំសង្វើយ ស្រុកជីក្រែង មានប្តីរស់នៅជាមួយកូនដែលមានជីវភាពក្រីក្រ ។
មានប្រសាសន៍សំណេះសំណាលជាមួយបងប្អូនគ្រួសារទាំងពីរនាឱកាសនោះ លោកស្រី គួយ ណាលីន ឃឹម ប៊ុនសុង អនុប្រធានគណៈកម្មាធិការសាខាកាកបាទក្រហមកម្ពុជាខេត្ត បានពាំនាំនូវការផ្ដាំផ្ញើសួរសុខទុក្ខពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែព្រួយបារម្ភ និងយកចិត្តទុកដាក់ចំពោះប្រជាពលរដ្ឋគ្រប់រូបដោយមិនប្រកាន់វណ្ណៈពណ៌សម្បុរ ជំនឿសាសនា ឬនិន្នាការនយោបាយណាឡើយ ។
ក្នុងនោះលោកស្រីក៏បានសម្តែងនូវការអាណិតអាសូរចំពោះគ្រួសារទាំងពីរ ដែលមានជីវភាពខ្វះខាតហើយ ភរិយាខ្លួនមានជំងឺរ៉ាំរ៉ៃ ក្លាយជាជនពិការដែលជាអំរែកមួយដ៏ធ្ងន់ក្នុងគ្រួសារ ។ ដោយទទួលបានសេចក្តីរាយការណ៍របស់អាជ្ញាធរមូលដ្ឋាន សាខាកាកបាទក្រហមកម្ពុជាខេត្ត ក៏មិនទុកឲ្យបងប្អូនទាំងពីរគ្រួសារនៅឯកកោរឡើយ ។ ទាំងនេះជាការបង្ហាញនូវការយកចិត្តទុកដាក់ ចំពោះប្រជាពលរដ្ឋគ្រប់រូបរបស់ប្រមុខរាជរដ្ឋាភិបាលពីសំណាក់ថ្នាក់ដឹកនាំសំខាន់កាកបាទក្រហមកម្ពុជា ដូចដែលប្រធានបទបានលើកឡើងថា កាកបាទក្រហមកម្ពុជាមានគ្រប់ទីកន្លែងសម្រាប់គ្រប់ៗគ្នា មិនទុកនណាម្នាក់ចោល គឺមិនទុកនរណាម្នាក់ចោលឡើយ ហើយទីណាមានទុក្ខលំបាក ទីនោះមានកាកបាទក្រហមកម្ពុជា ។
លោកស្រី គួយ ណាលីន ឃឹម ប៊ុនសុង ក៏បានបន្តទៀតថា នៅពេលប្អូនស្រីបងស្រីទាំងពីរ ទទួលបានរទេះរុញនេះហើយគឺជាមធ្យោបាយក្នុងការសម្រួលធ្វើដំណើររបស់ប្អូនស្រីបងស្រី និងការបន្លាស់ទីទៅតាមដែលចិត្តយើងចង់ទៅនោះ ។ ដូច្នេះនៅពេលដែលទទួលបានរទេះពិការនេះហើយ សូមបងស្រីប្អូនស្រី និងក្រុមគ្រួសារជួយថែរក្សាក្នុងការប្រើប្រាស់ឲ្យបានយូរអង្វែងនូវពេលខូចខាតត្រូវធ្វើការជួសជុលថែទាំផងដែរ ។ លោកស្រី គួយ ណាលីន ឃឹម ប៊ុនសុង បានមើលឃើញនូវភាពក្រលំបាករបស់គ្រួសារប្អូនស្រី ស៊ុត លឹះ រស់នៅក្រោមដំបូលធ្លុះធ្លាយបាំងកៅស៊ូ ដែលមានឈើតែពុំមានលទ្ធភាពក្នុងការសាងសង់លំនៅដ្ឋានរស់នៅ លោកស្រីអនុប្រធានគណៈកម្មាធិការសាខា បានធ្វើការផ្តល់ផ្ទះមួយខ្នងជូនគ្រួសារប្អូនស្រី និងសុំឲ្យអាជ្ញាធរឃុំស្រុកត្រូវធ្វើឯកសារស្នើសុំទៅខាងសាខាកាកបាទក្រហមខេត្តផងដែរ ។
សូមបញ្ជាក់ផងដែរថា អំណោយដែលយកមកប្រគល់ជូនបងប្អូនពិការទាំងពីរគ្រួសារ នាពេលនេះដែរ ក្នុង១គ្រួសារទទួលបាន អង្ករ៥០គីឡូក្រាម, មុង១, ភួយ១ , សារុង១, ក្រមា១, ទឹកត្រី១យួរ, មី១កេស, ត្រីខ១យួរ និងថវិកា១០ម៉ឺនរៀល ៕
ចែករំលែកព័តមាននេះ